سه‌ما
ئەفسەرەکێ عیراقی یێ مەزن ئاشكه‌راكر، هێزێن هەڤپەیمانیا نێڤدەولەتی دەست ب رێکارێن تایبەت کرینە ژ بۆ ئامادەکاریا کشانێ ژ پایتەخت بەغدا.
ئەفسەرێ مەزن، بۆ ئاژانسا شەفەق نیوز، رۆنکر کو ئەڤ رێکارە جهێن ل ناڤچەیا کەسک و ئۆپەراسیۆنێن هەڤبەش ڤەدگرن، و ئەڤە د چارچۆڤەیەکێ دا یە کو چاڤەرێ دکەن دێ ب راستی د ناڤەراستا سالا بێت دا ب داوى بت، ل گەل ڤەگوهاستنا بۆ جهەکێ پێگوهۆر ل هەرێما کوردستانێ ل گۆر زانیاریێن دەستپێکى.
ئەفسەری ئاماژە ب وێ چه‌ندێ دا، ڤالاکرنا راستەقینە دێ د ناڤەراستا سالا بێت 2025 یان کێمەک بەری وێ بت، و هاتیە پلانکرن کو ڤالاکرن ژ جهێن ناڤچەیا کەسک و ئۆپەراسیۆنێن هەڤبەش بێتە کرن.
واشنتن و بەغدا گەهشتنە رێککەفتنەکێ دەربارەی پلانا ڤه‌ێشانا هێزێن هەڤپەیمانیا نێڤدەولەتی ب سەرۆکاتیا ئەمریکا ژ عیراقێ، کو راپۆرت ئاماژە ددەن کو سەدان هێز دێ هەتا ئەیلوولا 2025ێ دەرکەڤن، و یێن ماین هەتا داویا سالا پشتی وێ.
رێککەفتن چاڤەرێ پەسەندکرنا سەرکردەیێن هەردوو وەلاتان دکەت و دیارکرنا دەمەکێ “فەرمی” ژ بۆ راگەهاندنا وێ د ڤێ هەیڤێ دا.
ئەمریکا و عیراق ئارمانج دکەن کو پەیوەندیەکا شێوریا نوو دامەزرینن کو دبت هندەک هێزێن ئەمریکی ل عیراقێ بهێلت پشتی ڤه‌كێشانێ.