سه‌ما
ئه‌پلێ، كومپانیا ناڤدار یا ته‌كنولوژیايێ راگه‌هاند، كو وێ سه‌ماعه‌تێن ئه‌یر پودز ماكس یێن نوی دئێخیته بازارى ئه‌ڤ گاڤا هاتیه پشتی نێزیكی چار سالان ژ بێ گوهورین یان ده‌رئێخستنا سه‌ماعه‌تێن بێ تێل یێن نوو.
گرنگترین گوهورین د ڤێ ڤه‌رژنا نوی دا، گوهورینا پورتا شه‌حنێ یه ژ لایتنینگ بو USB-C ئه‌ڤ سه‌ماعه‌ته دێ ئێنه فرۆتن ب بهایێ 549 دولارێن ئه‌مریكی، كو هه‌مان بهایێ مودێلا به‌رێ یه.
كۆمپانیێ دیاركر ، سه‌ماعه‌تێن نوو دێ ئێنه به‌رده‌ستكرن بۆ پێشداخوازیێ ژ ئيرۆ، و دێ د بازارێ دا ئێنه به‌لاڤكرن ژ 20ێ ئه‌یلولێ. سه‌ماعه دێ د پێنج ره‌نگان دا ئێنه به‌رده‌ست كرن: ره‌ش، خولی، پرته‌قالی، شین و وه‌نه‌فشی.
ئه‌ڤ راگه‌هاندنه هاته كرن د ده‌مێ كۆنفرانسا سالانه یا كۆمپانیێ دا، یا ب ناڤێ “It’s Glow Time”، كو تێدا هاتنه ئاشكرا كرن ئایفون 16 و ئایفون 16 پرو، هه‌روه‌سا نه‌سلا نوی یا سه‌عه‌تێن زیره‌ك و سه‌ماعه‌تێن ئه‌یر پودز.