سه‌ما
ب مه‌ره‌ما دابەشکرنا پارچە زەڤیێن ئاکنجیبوونێ بسه‌ر فەرمانبەرن دا، کۆژاندن بۆ 260 دونەمێن ئەردێ چاندنێ ل ناحيا خانكێ هاتە کرن.
ل رۆژا دووشەمبوويێ 2ى ئه‌يلولا 2024ێ، ئەحمەد جەمیل، ب نوونەراتیا رێڤەبەرێ گشتی یێ چاندنێ ل پارێزگەها دهۆکێ و سالم جه‌عفه‌ر بەرپرسێ پشکا زەڤی و زارا و هه‌ژمارەکا ئەندامێن لژنا کۆژاندنێ سەرەدانا ناحیا خانکێ کرن.
ل سه‌ر پێنگاڤێن دابەش کرنا پارچە زەڤیێن ئاکنجیبوونێ بۆ فەرمانبەرێن ناحیا خانکێ، کۆژاندن بۆ 260 دونەمێن ئەردێ چاندنێ د بەرژەوەندیا باژێرڤانیا خانکێ دا هاتە ئێکلاییکرن.
ل رێكه‌فتى 27ـی ئادارا 2024، ئەنجوومەنێ وەزیران ب سەرۆکایەتیا مەسرور بارزانی، سەرۆکێ حکوومەتا هەرێما کوردستانێ چەند بڕیار دەرکرن، ئێك ژ بڕیاران ڕاسپاردنا وەزارەتا باژێرڤانى و گەشتوگۆزارێ بوو بۆ تەرخانکرن و دابەشکرنا ئه‌ردى بسەر فەرمانبەران.
هەر ل سەر ڤێ بڕیارێ، وەزارەتا شارەوانی ل مه‌ها حوزەیرانێ دەست ب رێكاران بۆ تەرخانکرنا ئه‌ردێ پێدڤى ل سنوورێ باژێرڤانيان ل سەرتاسەری هەرێما کوردستانێ.