سه‌ما
ل كه‌ركوكێ هێرشى سه‌ر له‌شكه‌رێ عیراقێ هاته كرن و قوربانى هه‌نه.
سپێده‌یا ئيرۆ چارشه‌مبوويێ 2.10.2024، ل ده‌مژمێر 10، لیوا 42 یا فیرقا 11 بۆ پشكنین و دوڤچوونێ ل گه‌لیێ زه‌غیتونی ل ده‌وروبه‌رێن كه‌ركوكێ، كه‌تنه د بۆسه‌یه‌كا ئه‌ندامێن داعشێ دا.
ژ ئه‌نجامێ ڤێ هێرشێ، چار كه‌س ژ هێزێن ئه‌منی هاتنه كوشتن و سێ یێن دی ژی بریندار بوون، د راگه‌هاندنه‌كێدا، له‌شكه‌رێ عیراقێ به‌لاڤكر كو ب رێكا پشته‌ڤانیا ئاسمانی، جهێ تیرۆریستان هاته دیاركرن و ده‌سته‌یه‌ك ژی بۆ لێكۆلینێ د روودانێدا هاته پێكئینان.