سه‌ما
پێشەوا هەورامانی، پەیڤدارێ حکومەتا هەرێما کوردستانێ دپه‌يامه‌كێ دا راگه‌هاند؛ هەژمارا من واتا ڕێگریکرن ل ڤەشارتنا ئەوان پارەیان یێن کو هندەک کەس بخۆ ب قەچاغی و هەمی ڕێکێن دی یێن نە یاسایی پەیدا دکەن”.
ل رۆژا دووشه‌مبوويێ 28ى تشرينا ئێكێ 2024ێ، پەیڤدارێ حکومەتا هەرێما کوردستانێ ڕاگەهاند: هەژمارا من نە ناڤێ بانکێ یە، بەلکو دەستەکێ (کۆمەکا) بانکان دناڤ پڕۆژەیەکێ دایە ب ناڤێ هەژمارا من، کو ئارمانج ژێ ئەوە فەرمانبەر ب ڕێکا بانکی مووچەیێن خۆ وەربگرن، ئەڤ ڕۆهنکرنە بۆ هندەک بەرپرسایە کو ل دژی ئەڤی پڕۆژەینە و لێ تێنەگەهشتینە و تا نوکە یا ژ وانڤە هەژمارا من ناڤێ بانکێ یە!.
دیارکریە ژی:”هەژمارا من ئانکو تە ئامادەیی هەبیت ل دەمێ وەرگرتنا مووچەیێ خۆ و ل سەر ئێک پارەی وەرنەگری ب ناڤێ چەکداری و وەهمی! هەژمارا من واتا پارەیێ هەمی کەسان دیار بیت، بۆ زێدە ببیت، ژ کیڤە دهێت. چاوا دهێت؟، هەژمارا من واتا ڕێگریکرن ل گەفێن مووچە بڕینێ ل دەمێ دەنگدانێ، هەژمارا من واتا ڕێگریکرن ل ڤەشارتنا ئەوان پارەیان یێن کو هندەک کەس ب قەچاغی و هەمی ڕێکێن نە یاسایی پەیدا دکەن.
هەروەسا ئاماژە کریە، ئەو بانکێن پشکدار د هەژمارا من دا یان ل داهاتی دێ پشکدارییی کەن، پێدڤییە تۆمەتا پارە سپیکرنێ ل سەر نەبیت و ژ لایێ وەزارەتا گەنجینەیا ئەمریکا ڤە نە چووبنە د لیستا ڕەش دا و هەر ئێک ژ وان دشێت ب ڕێژەیەکێ پشکدار بیت د بانکیکرنا مووچەیێ فەرمانبەران دا دا کو قۆرخکاری دروست نەبیت.
پەیڤدارێ حکومەتا هەرێمێ گۆتژى:” ئەو وەلاتێن کو بانگەشەیا شەفافیەتێ دکەن، بابەتێ ئێکێ یێ کو شانازیێ پێ دبەن، هەبوونا سیستەمەکێ بانکی یێ شەفافە”.
دوپاتكر ژى ،” خۆ ڤەکێشان د ئەڤی پڕۆژەی دا نینە و حکومەتا هەرێما کوردستانێ یا کوکە ل سەر شەفافیەتا دارایی و ڕێگریکرنێ ل گەندەڵی یا دارایی”.