سه‌ما
دادگەها نێڤدەولەتی یا تاوانان فەرمانا دەستگیرکرنێ بۆ بنیامین ناتانیاهو سەرۆک وەزیرێ ئیسرائیلێ دەرکر و بریتانیا ژی رادگەهینیت، ئەگەر سەرەدانا وەلاتێ مە بکەت، دێ دەستگیر کەین و فەرمانا دادگەهێ جێبەجێ کەین.
نڤیسینگەها سەرۆک وەزیرێ بەریتانیا بەلاڤ کر، حکومەت پابەندە ب جێبەجێکرنا یاسایان و فەرمانا دەستگیرکرنا ناتانیاهو و ئەو کەسێن کو ژ لایێ دادگەهێن نێڤدەولەتی و ناڤخۆیی ڤە فەرمانا دەستگیرکرنێ بۆ وان دەردچیت.
نڤیسینگەها کییەر ستارمەر، سەرۆک وەزیرێ بەریتانیا د راگەهاندنەکێ دا بەلاڤ کر، بنیامین ناتانیاهو سەرۆک وەزیرێ ئیسرائیلێ دێ هێتە دەستگیرکرن، ئەگەر بهێتە خاکێ بەریتانیا، ئەڤە ژی پشتی کو فەرمانا دەستگیرکرنا وی ژ لایێ دادگەها نێڤدەولەتی یا تاوانان ڤە دەرچوویە.
هەروەسا د راگەهاندنێ دا هاتیە کو هەتا نوکە کەس ل سەر فەرمانا دادگەها نێڤدەولەتی یا تاوانان ژ لایێ بەریتانیا ڤە نەهاتیە دەستگیرکرن، ژبەر کو چ کەس سەرەدانا وەلاتی نەکریە کو ژ لایێ دادگەها نێڤدەولەتی ڤە هاتبیتە داخوازکرن.