بڤان خوارنان خۆ ژ چەندین جۆرێن پەنجەشێرێ بپارێزه‌

سه‌ما
خوارنا زەڕزەواتی ھەر حەفتیێ جارەکێ مەترسیێن تووشبوونێ ب پەنجەشێرا گولچیسکان ب ٣٢% کێم دکەت و پەنجەشێرا سورینچکێ ب 28% و یا قولونێ و مەمکان ب 17%.

ڤەکولینەکا نوو کو ل ڤێ دووماھیێ ئەنجامێن وێ ھاتینە راگەھاندن دیارکر کو دشیاندایە پەنجەشێرا دەڤی کێم بکەین ئەوژی ب خوارنا زەرزەواتی ھەر چ نەبیت حەفتیێ جارەکێ، ب تایبەت زەرزەواتێن رەق وەکو بروکلی و قەرنابیت و تڤر.
ڤەکولینەکا بەری نوکە ژی ئاماژە ب وێ چەندێ دایە کو ئەو ژنێن زەرزەواتی دخوون کێمتر ژ ژنێن نەخوون تووشی پەنجەشێرا مەمکان دبن.

ھەروەسان دەزگەھێ ساخلەمیا ددانان یێ بریتانی د ڤەکولینەکێ دا دیارکریە کو ڤەکولینا نوو ھەبوونا پەیوەندیێ دناڤبەرا بەدخوراکیێ و پەنجەشێرا دەڤی دا پەسەند دکەت و ئەڤە رامانا وێ چەندێ ددەت کو ھەکە مرۆڤ ل دووڤ سیستەمەکێ خوارنێ یێ دروست نەچیت دێ بیتە فاکتەرەکێ مەترسیێ ب تووشبوونێ نەخۆشیێ.