سه‌ما
دچارچۆڤێ هه‌وا ئاڤاكرنا لالش دا، ده‌ست ب نووژه‌نكرنا مه‌زارگه‌هێ شێخ عه‌ڤدال هاتيه كرن.
ب بريارا ميرێ ئێزديان و جڤاتا روحانى و پشتى چه‌ندين سالان ب پشته‌ڤانى يا خێرخوازێن ئێزدى، ب شێوازه‌كێ جوان و كه‌ڤنار نووژه‌نكرنا مه‌زارگه‌هێ شێخ عه‌ڤدال ل په‌رستگه‌ها لالش ده‌ستپێكريه.
ده‌رباره‌ى نووژه‌نكرنا مه‌زارگه‌هان ل لالشێ بابێ چاويش، ئۆلدارێ ئێزديان دبێژت: دراڤێ سندۆقا ميرى تێرا ئاڤاكرنا مه‌زارگه‌هان ناكه‌ت، ئه‌م داخوازێ ل هه‌موو ئێزديان ل كوردستانێ و جيهانێ دكهين دهاريكاربن بۆ نووژه‌نكرنا مه‌زارگه‌هان.
لالش، پەرستگەها سەرەکی يا ئێزدیانه و دکەفته قەزایا شێخان ل پارێزگه‌ها دهۆکێ، ئێزدى ل وه‌لات و ژ ده‌رڤه‌ى وه‌لاتى ژى بۆ گێرانا رێوره‌سمێن ئۆلى رۆژانه سه‌ره‌دانا په‌رستگه‌هێ دكه‌ن.
ل ناڤا پەرستگەها لالش 366 چرا دئێنه ڤێخستن، كو ڕامانا رۆژێن ساڵێ دگه‌هينت.