ناڤەندا نووچەیان – سەما
دادگەها نەینەوا بڕیار دا، خودانێ هۆلا ئاهەنگێ یا قەزا حەمدانیێ یا سەر ب پارێزگەها نەینەوا ڤە ل عیراقێ کو تێدا ب سەدان کەس بووینە قوربانی، 10 سالان زیندانی بێتە کرن.
ل گۆڕ نڤیسارەکا دادگەها نەینەوا، سەمیر سلێمان، خودانێ هۆلا ئاهەنگێ یا قەزا حەمدانیێ کو سالا بۆری د ئاهەنگەکا بویکگوهاستنێ دا ل هۆلێ، ئاگرەکێ مەزن کەفتێ و ژ بەر ڤێ یەکێ ب سەدان کەس بوینە قوربانی، ب 10 سالا زیندانێ هاتیە سزادان.
هه‌ر ل گۆڕه‌ى بریارا دادگەهێ هەموو كەسێن زەرەرمەندبووین دكارن داخوازا قەرەبووكرنێ بكەن.
ل ئیلولا سالا 2023ێ ل هۆلا ئاهەنگگێرانا هەیسەم ل قەزا حەمدانیە یا سەر ب پارێزگەها نەینەوا رویدانەكا ئاگربەربوونێ چێبوو.