مەكتەبا سیاسییا پارتی هەڵوەشاندنا بڕیارێن ڕژێما بەعس “پێنگاڤەكا گرنگ و پێدڤی” بوو و داخوازێ ل حکومەتا فیدراڵ و لایەنێن پەیوەندیدار دکه‌ت ل بجهئينانا یاسايێ ڕۆڵێ خۆ ببینن.
ده‌قێ راگه‌هاندنا مەكتەبا سیاسییا پارتی:
ده‌نگدان و په‌سه‌ندكرنا ( قانوونا هه‌لوه‌شاندنا بریارێن ڕژێما به‌عسا ژ ناڤچووی ) بەلاڤكر و ڕاگەهاند، دەنگدان و پەسەندكرنا قانوونا هەلوەشاندنا بڕیارێن ڕژێما بەعس ژلایێ پەرلەمانێ عیراقێڤە و ڤەگەڕاندنا ئەرد و زەڤییان بۆ خودانێ وان یێن ڕەسەن، پێنگاڤەكا پێدڤی و گرنگ بوو.
مەكتەبا سیاسییا پارتی سوپاسییا نوونەرێن پارتی و فراكسیۆنێن كوردستانێ ل پەرلەمانێ عیراقێ كر بۆ ڕۆلێ وان یێ گرنگ، سوپاسییا هاریكارییا هەموو وان لایەنان كر، یێن بووینە ئەگەرێ پەسەندكرنا وێ بڕیارێ.
مەكتەبا سیاسییا پارتی دیاركر، هیڤییا وان ئه‌وه ئه‌ڤ پێنگاڤە ببیتە پالده‌ره‌كێ ب هێز بۆ ئێك و دوو قەبوولكرنێ، پێكڤەژیانا ئاشتیانە و ئاڤاكرنا عیراقەكا نوو، ئەو چاڤەڕێنە عیراق ب ڕژدی وێ قانوونێ ب جهبینیت.