ناڤەندا نووچەیان – سەما
د.خه‌لیل غازى دۆسكى، ئه‌ندامێ جڤاتا نوونەرێن عیراقێ ڕاگەهاند، ل دویڤ كارناما روینشتنا جڤاتا نوینه‌رێن عیراقێ كو دهێته چاڤه‌رێكرن رۆژا ئێكشه‌مبی 12/1/2025 خواندنا ئێكێ بۆ پرۆژێ راستڤه‌كرنا خانه‌نشینى یا ئێكگرتى ل عیراقێ بێته‌كرن.
ئه‌ندامێ جڤاتا نوونەرێن عیراقێ دياركر، ژیێ خانه‌نشینیێ دێ بته 63 سال و پێشتر ژیێ خانه‌نشینیێ 63 سال بوون ل عیراقێ، به‌لێ ب قانوون هاتبوو راستڤه‌كرن و ببوو 60 سال.
دیارکریە، ئه‌ڤه گوهۆرینه دێ ل سه‌ر داخازا ده‌سته‌یا گشتى یا خانه‌نشینیێ هێته ئه‌نجامدان و هه‌رێما كوردستانێ ژى دێ ڤه‌گریت.
هەروەسا ئاماژە کریە، نوكه ل هه‌رێما كوردستانێ ژیێ خانه‌نشینیێ 63 ساله و دارایى یا هه‌رێما كوردستانێ چاڤه‌رێى په‌سه‌ندكرنا راستڤه‌كرنێ یه ب وێ مه‌ره‌مێ دارایى یا فیدرال كێشان بۆ فه‌رمانبه‌رێن هه‌رێما كوردستانێ دروست نه‌كه‌ت ئه‌وێن ژیێ وان گه‌هشتیه 60 سالیێ.