ئەنجامێن داویێ یێن سەرژمێرییا گشتی دێ ئێنە ڕاگەهاندن

ناڤەندا نووچەیان – سەما
برياره‌ سبه‌ى ڕۆژا دووشه‌مبوويێ 24-2-2025ێ، داوی ئەنجامێن سەرژمێرییا گشتییا ئاكنجییێن عیراقێ و هەرێما کوردستانێ، بێنە ڕاگەهاندن.

پەیڤدارێ وەزارەتا پلاندانانا عیراقێ، عەبدولزەهر هینداوی راگه‌هاند، ب ئاماده‌بوونا نوونەرێ سکرتێرێ گشتییێ نەتەوێن ئێکگرتی ل عیراقێ و چەندین بەرپرسێن دی و د کۆنگرەکێ ڕۆژنامەڤانیدا ب فەرمی دێ ئەنجامێن سەرژمێرییا گشتییا ئاكنجییان ئێنە ڕاگەهاندن.

سەرۆکوەزیرێن عیراقێ محەمەد شیاع سوودانى، ل ڕۆژا 25-11-2024، د کۆنفڕانسەکێ ڕۆژنامەڤانیدا ئەنجامێن دەستپێكی یێن سەرژمێرییا گشتی ڕاگەهاندن، ل دووڤ وان ئەنجامان، ژمارا ئاكنجییێن عیراقێ و هەرێما کوردستانێ 45 ملیۆن و 407 هزار و 895 کەسە، ئەو ژمارە بیانی و پەنابەران ژی ڤەدگرت.