سه‌ما
ل دووڤ بابەتەکێ ماڵپەڕێ برایتساید یێ بریتانی، پێنج نیشانێن لەشی هەنە نابت پشتگوهـ بێخی، ئەوژی ئەڤەنە:
١. هەردەم چاڤێن تە هشک دبن:
هەکە گەلەک ب دیاری هەمبەر شاشەیا کۆمپیتەرو مۆبایلێن زیرەک بمینی چاڤێن تە هەردەم هشک دبن و دخوریێن، بەلێ هەکە تێبینیا دەڤ و چاڤێ خوە بکەی کو هشک ببن، رەنگە نیشانا هەستیاریا چاڤێن تە بیت و تووشی هەودانێ ببن.
٢. هەردەم هەست ب سەرمایێ دکەی:
هەکە ئەڤ حالەتە ب سەرێ تە هات، رەنگە ژ ئەگەرێ کێم بەرهەمئینانا سایرۆدی بیت، چونکو کێمیا بەرهەمئینانا سایرۆدی، چالاکیان کێم دکەت و وە دکەت هەردەم هەست ب سەرمایێ بکەی.
٣. پرچ وەریان:
هەکە ژ نشکەکێڤە تە هەست ب وەریانا پرچێ کر، رەنگە کێمیا ئاسنی بیت، هەوڵبدە ئەوان خوارنا بخۆی کو دەوڵەمەندن ب ئاسنی وەک، گۆشتێ سۆر و چەرەزات و زەرزەوات.
٤. هەستیاربوونا ددانان:
ددانێن تە گەلەک هەستار دبن بە خوارنا سار و گەرم، بەلێ دبیت ژ ئەگەرێ ئاریشەکا پێدیان بیت و دڤێت سەرەدانا نۆشدارێ ددانا بکەی.
٥.هەردەم هەست ب تێهنیبوونێ دکەی:
هەکە هەردەم تە هەست ب تێهنیبوونێ کر، دبیت نیشانەک بیت بۆ تووشبوونێ ب نەخۆشیا شەکرێ، چونکو وەدکەت گلوکۆز د خوێنێ دا کۆمڤە ببیت، کارێ گۆلچیسکێن تە دێ دژوارتربیت، ئەڤەژی دبنە ئەگەرێ میزەکا زێدەتر و دێ تێهنی بی.
