ناڤه‌ندا نووچه‌يان – سه‌ما
سەرۆک بارزانی د یادا رۆژنامەگەریا کوردی دا پەیامەک بەلاڤکر و راگەهاند، رۆژنامەگەری و کارێ راگەهاندن و میدیایێ فاکتەرەکێ گرنگن بۆ پێشخستنا هشیاریا نەتەوەیی و پاراستن و دەولەمەندکرنا زمانێ کوردی. هەروەسا راگەهاندن و رۆژنامەگەریا کوردی چەکەکێ ب هێزن بۆ ناساندنا دۆزا رەوا یا مللەتێ مە بۆ جیهانێ.
دەقێ پەیاما سەرۆک بارزانی
ب ناڤێ خودایێ دلۆڤان و مهرەبان
ب هه‌لكه‌فتا سەد و بیست و هەفت سالیا دەرکەفتنا ئێکەمین رۆژناما کوردی کو هه‌ڤده‌م رۆژا رۆژنامەگەریا کوردی و سالڤەگەرا دامەزراندنا سەندیکا رۆژنامەنڤیسێن کوردستانێ یە، گەرمترین پیرۆزباهیێن خۆ ئاراستەی هەموو رۆژنامەنڤیس و میدیاکارێن کوردستانێ دکەم.
رۆژنامەگەری و کارێ راگەهاندن و میدیایێ فاکتەرەکێ گرنگن بۆ پێشڤەبرنا هشیاریا نەتەوەیی و پاراستن و دەولەمەندکرنا زمانێ کوردی، هەروەسا راگەهاندن و رۆژنامەگەریا کوردی چەکەکێ ب هێزن بۆ ناساندنا دۆزا رەوا یا مللەتێ مە بۆ جیهانێ و هەروەها ئامرازەکێ کاریگەرە بۆ پاراستنا فەرهەنگا پێکڤەژیانێ و کۆرکرنا کولتوورا ئاشتیخوازی و لێبوردەییا گەلێ کوردستانێ.
د ڤێ یادێ دا، داخوازێ ژ هەموو رۆژنامەنڤیس و راگەهاندنکارێن خۆشتڤی دکەم کو د ئەرک و کارێن خۆ دا ب شێوەیەکى پیشەیی دگەل روودان و بوویەران رەفتارێ بکەن و رەچاڤیا بها و بەرژەوەندیێن مللەتێ مە بکەن. هیڤیا سەرکەفتن و بەردەوامیێ بۆ هەموو رۆژنامەنڤیسێن کوردستانێ دخوازم.
مەسعود بارزانی
٢٢ێ نیسانا ٢٠٢٥