ناڤه‌ندا نووچه‌يان – سه‌ما
ده‌ست ب دابه‌شكرنا مينحه‌يا سەرۆکوەزیران مەسرور بارزانی بۆ هەیڤا سێ ل سەر ڕزگاربوویێن ئێزدی ژ دەستێ داعشێ هاته كرن.
ئيرۆ دووشه‌مبوويێ 7-4-2025، ل ده‌مژمێر 10ى سپێدێ ل ئاڤاهيێ بنگه‌هێ لالش تايێ شێخان ده‌ست ب دابه‌شكرنا مينحه‌يا سەرۆکوەزیران مەسرور بارزانی بۆ هەیڤا سێ ل سەر ڕزگاربوویێن ئێزدی ژ دەستێ داعشێ هاته كرن.
ل دووڤ ليستا بۆ دابه‌شكرنێ هاتيه به‌لاڤكرن، دووشه‌مبوويێ تا پێنج شه‌مبوويێ ل قه‌زا شێخان ئاڤاهيێ بنگه‌هێ لالش، كۆمه‌ڵگه‌ها شاريا، ناحيا خانكێ، كۆمه‌لگه‌ها دێره‌بوونێ دێ ئێته دابه‌شكرن.
هه‌روه‌سا ل رۆژێن شەمبوو و ئێک شەمبوويێ 12،13-4-2025 دێ ل بارەگایێ بنگەهێ لالش – دهۆک ئێتە دابەشکرن.
مینحه هه‌موو ئه‌وان رزگاربوويان بخۆڤه‌‌دگرت كو ل ناڤخۆيا هه‌رێمێ، یان ئه‌وێن چووينه ژ ده‌رڤه‌ى هه‌رێما كوردستانێ و ب ڕێكا بريكاران دێ پێ ئێته دان.
پترى سێ هه‌زار رزگاربوويان ژ هه‌ردو ره‌گه‌زان دێ ژ پرۆژێ مينحه‌يا دارايى يا سه‌رۆكوه‌زيرێن حكومه‌تا هه‌رێمێ مفادار بن.
ب گۆڕەی ئاماران، تيرۆرستێن داعش ده‌مێ ده‌ست بسه‌ر قه‌زا شنگالێ دا گرتى ل ته‌باخا 2014ێ، پترى 6417 ئێزدى ره‌ڤاندن و ژ وێ ژمارێ تا نوكه پترى سێ هه‌زار كه‌س هاتينه رزگاركرن، هه‌روه‌سا تا نوكه چاره‌نڤيسێ دو هه‌زار كه‌سێن دى يێ ديار نينه.
پشتى هێرشا داعش بۆ سەر شنگالێ، کوردێن ئێزدی ئاوارەی هەرێما کوردستان بوون و ب گۆڕه‌ى ئاماران، نوكه پتر ژ 135 هەزار ئێزدی ل کەمپاندا ل سنوورێ پارێزگه‌ها دهۆكێ دژين.
