ناڤه‌ندا نوچه‌یان – سه‌ما
سبه‌ى ڕۆژ ئێك شه‌مبوويێ 25ى ئه‌يارا 2025ێ، دەست ب وەرگرتنا ناڤێن بەربژارێن سەربەخۆ، بەربژارێن سەر ب لیستانڤە، كوتا، لیستان و هەڤپەیمانییان بۆ هەلبژارتنێن بێن یێن پەرلەمانێ عیراقێدێ ئێتەكرن.
خالد عەباس، بەرپرسێ ئۆفیسا دهۆك یا كۆمیسیۆنا هەلبژارتنێن عیراقێ ڕاگەهاند، ل 25ی ڤێ هەیڤێ دێ دەست ب وەرگرتنا ناڤێن بەربژارێن سەربەخۆ، بەربژارێن سەر ب لیستانڤە، كوتا، لیستان و هەڤپەیمانییان بۆ هەلبژارتنێن بێن یێن پەرلەمانێ عیراقێ ئێتەكرن، هەتا 24 هەیڤا شەش یا بەردەوام یت.
ده‌رباره‌ى مەرجێن تۆماركرنێ ئاشكراكر: “دڤێت عیراقی بت، ته‌مه‌نێ وی ژ 30 سالییێ كێمتر نەبت، ژلایێ دەستپاكی و قانوونێڤە چ ئاریشە ل سەر نەبن، كێمترین باوەرنامە بۆ كاندیدێ تاكە كەسی بەكالۆریۆسە و بۆ حزبێن سیاسی 20%ێ دبلۆم و ئامادەییە.”
برياره ل ڕۆژا 11_ 11_2025، هه‌لبژارتنێن په‌رله‌مانێ عيراقێ بێنه كرن، ئه‌و ژى پشتى نووكرنا تۆمارێن ده‌نگده‌ران، كو دۆرێن 30مليۆن عيراقيان ماف هه‌يه ده‌نگێ خۆ بده‌ن.