ئەڤە ئەزم
شورێ راستیێ ئەز دێ کێشم
خزمەت کارم گیان بەلەنگازم
راستیێ بهۆزانێن ئەڤینیێ دبێژم
بنەخشێ قەلەمێ خۆ پڕ یبهێزم
تیپێن کەلاشتی بتەشیێ دڕێسم
ئەفسونا پەیڤا ! دێ پەرچقینم
لناڤ هەستێ دڵدا دێ پێچینم
ئێشێن شەوقا ئەڤینێ دەرێخم
ل گۆڤەند و دیلانا ملا دهەژینم
لپێش ئاخا وەڵاتی ! .. ملکەچم
شاریانا دڵی پەلۆخ و پێتا ئاگرم
بلا ئەو لتەرونێدا بپێژین جەم
ئەز بزێروکولیلکا بڕێژینم خەم
ل کەفتنا !سەرکەفتنن بەرهەم
هەسپێ کوڤی نینە … پۆرسەم
ئازاد دبەزم نقۆدبم ..ڤەناگەرم
بروسیا ئەڤینێ چەمێ سەقەم
گوڕگوڕا ئەورێ تاری گەشبینم
هندی هێتونا ئەڤینێ بکشینم
دڵ برین دبم ئەو قاس ببینم !
رەنگا لسەر کاخەزێ بڕێژینم
لسەر کێلەکێ دێ باخچا چینم
لدۆرا خۆ بەهشتێ تواف بکەم
هۆزانەکە بڤیان و ئەشق ئەزم
ژبۆ ئەڤیندارا …خوارن و هێزم
لوەرزێن برسێ وترسێ دلسۆزم
دا نێتە خوار ژئاسمانی خەمام
ژبلی ئەڤینیێ مە نینە چو دەم
شورێ راستیێ هەر دێ کێشم
خزمەت کارم گیان بەلەنگازم
نێرگزا بزمانێ دایکێ دوەشینم
