سه‌ما

ئیرۆ دوشه‌مبێ رێكه‌فتی 16/2/2026، بانكا ناڤه‌ندییا عیراقێ ڕاگه‌هاند، یاسا و رێنمایێن به‌ركار هیچ جیاوازییه‌كێ دناڤبه‌را جۆر و چاپێن جیاواز یێن دراڤی دا ناكه‌ن و پێتڤییه‌ هه‌موو بانك و دامه‌زاروه‌یێن دارایی ل په‌ی پێڤه‌رێن نێڤده‌وله‌تی پابه‌ندی رێنمایێن ئالوگۆر یێن دراڤی بن. 

بانكا ناڤه‌ندی دیارژی كرییه‌: پێتڤییه‌ هه‌موو بانك و جهێن گرێدایی ب ڤێ چه‌ندێ ڤه‌ پابه‌ند بن ب رێنمایێن مامه‌له‌كرن و گهۆرینا دراڤی ب تایبه‌تی دۆلارێ ئه‌مریكی، ب وان پیڤه‌رێن په‌سه‌ندكری یێن به‌ركار كاربكه‌ن، ئه‌وژی ب مه‌ره‌ما پاراستنا سلامه‌تیا مامه‌له‌كرنا نه‌قدی و جێگریا بازاری.

ل داوییا ڕاگه‌هاندنێ دا بانكا ناڤه‌ندی د چارچۆڤێ هه‌ولێن خوه‌ دا بۆ بهێزكرنا شه‌فافیه‌ت و رێكخستنا كه‌رتێن بانكی و پشتگرییا سه‌قامگێرییا نه‌قدی و دارایی ل وه‌لاتی ئه‌ڤ بریاره‌ ده‌رخستییه‌.