ناڤه‌ندا نووچه‌یان – سه‌ما

نڤیسەر و ڤەکۆلەر “داود عزیر هەکاری”، کو ئێکە ژ نڤیسكارێن خودان شیان یێن قەزا شنگالێ، کارەکێ مێژوویی و فەلەکی یێ دەگمەن ئەنجام دایه‌ ب نڤیسینا پەرتووکەکێ بن ناڤێ “سالناما داود”.

ئەڤ بەرهەمە تایبەتە ب دیارکرنا رۆژ و رێككه‌فتیێن جەژن و هەلکەفتێن ئاینی یێن ئێزدیبان بۆ ماوێ سەد سالێن بهێت.

تێ زانین د پەرتووکێ دا هەموو به‌روارێن ئاینی ژ سالا ٢٠٢٦ دەستپێدکەت هەتا سالا ٢١٢٠ دیاركرینه‌.

هه‌روه‌سان نڤیسەر ئاماژێ ب وێ چەندێ ددەت کو مەرەما سەرەکی ژ ڤی کاری، پاراستنا هژمارا فەلەکی یا کوردی و ئێزیدییە و نەهێلانا بەرزەبوونا ڤی ئەرشیفێ دەوڵەمەندە.

پەرتووک ژ ٣٧٢ لاپەران ب زمانێ کوردی پێکدهێت، تێدا ب رێکا وێنە و گرافیکان رۆژێن جەژنان هاتینە دیارکرن، دگەل شرۆڤەکرنا رامانا هەر جەژنەکێ.

ژێدەر و ناسنامە، داود عزیر بۆ کۆمکرنا زانیارییان پشتبەستن ب ژێدەرێن رەسەن و باوەرپێکری یێن خەلکێ شنگالێ بەستییە داکو چو شاشی د هژماران دا پەیدا نەبن. هەروەسا بۆ نیشاندانا رەسەناتیا ڤی کاری، بەرگێ پێشێ یێ پەرتووکێ ب وێنەیێ پەرستگەها (لالشا پیرۆز) و بەرگێ پاشێ ب وێنەیێ مەزارگەهێ (شەرفەدین) ل شنگالێ هاتییە خەملاندن.