سهما – پهرستگهها لالش
د چارچۆڤێ پاراستنا ناسنامهیا ئۆلی و كلتووری دا، ژمارهیهكا مهزن یا گهنجێن ئێزدی یێن ل وهڵاتێن ئهورۆپا دژین، ب مهرهما پشكداریكرن د رێورهسمێن ئۆلی و ناسینا نهریتێن باب و كالان، سهرهدانا پهرستگهها پیرۆزا لالش دكهن.
ئیستیڤیان عهبدوڵڵا، گهنجهكێ ئێزدی یه و ل وهلاتێ ئهڵمانیا دژیت هاتییه پهرستگهها لالش، د لێدوانهكێ دا بۆ كهنالێ سهما دیار كر كو پشتی دههـ سالێن دووراتیێ، ڤهگهریایه كوردستانێ دا كو ژ نێزیك هایداری داب و نهریتێن ئۆلی بت.
گۆتژی: ل ئهورۆپا ئهم بێ بههرین ژ ڤان رێورهسمێن جوان و پیرۆز، لهوما من ب فهر دیت ڤهگهڕێمه كوردستانێ داكو باشتر ژ ڕهسهناتیا ئۆلا بزانم.
ناڤبری ئاماژه ب گرنگیا رهسهنایهتیا ئێزدیان و پشكداریا د رێورهسمێن ههفت رۆژی یێن پهرستگههێ دا كر، ب تایبهتی پرۆسەیا “نیشانكرنێ/تعمید” و ئهو جهژنێن كو ل دهرڤهی وهڵات ب كێمی دهێنه دیتن.
ل دووماهیێ، داخواز ژ ههموو خێزانێن ئێزدی یێن ل دهرڤهی وهڵات دژین كر، كو زارۆكێن خۆ بیننه لالشا نورانی، داكو ژ نێزیك ڤه ناسنامهیا خۆ یا ئۆلی و نهتهوهیی ببنن و ئهو كهلهپوورێ دهولهمهند د دلێ وان دا بمینت.