ژ سوبەهی ڤە گرتنا ماسیان ل سەرانسەری هەرێمێ دێ ئێتە قەدەغەکرن
ناڤهندا نووچهیان – سهما
ژ پێخەمەت پاراستنا سامانێ ماسی ل هەرێما کوردستانێ، رێڤەبەریا پۆلیسێن دارستان و ژینگەهێ راگەهاند کو ژ سبەهی ڤە وەرزی قەدەغەکرنا گرتنا ماسیان دێ دەستپێدکەت و ئەڤ بڕیارە دێ بۆ دەمێ سێ هەیڤان یا بەردەوام بت.
ل دووف بڕیارەکا فەرمی، ژ ڕێکەفتی 15ی ئادارا 2026 تاوەکو 15ی حوزەیرانا 2026، راوکرنا ماسیان ل هەموو رووبار، زێ و دەریاچەیێن هەرێما کوردستانێ ب هەموو شێوەیان قەدەغەیە، ئەڤ پێنگاڤە د چوارچۆڤێ پاراستنا ژینگەهێ و رێگریکردنێ ل کێمبوونا رێژەیا ماسیان دایه.
پۆلیسێن دارستانێ داخوازێ ژ وەلاتی و راوچییان دکەت کو بەری بڕیار بچتە د وارێ جێبەجێکرنێ دا، هەموو کەرەستە و ئامیرێن خۆ یێن راوکرنێ ژ دەوروبەرێ ئاڤان دووربێخن، هەروەسا هۆشداری دهێتە دان کو گرتنا ماسییان ب رێکا (کارەبێ، ماددێن ژەهراوی، تەقەمەنیان و تۆرێن کونا وان هویر) ب تەمامی و د هەموو دەمان دا قەدەغەیە.
رێڤەبەریێ تهكهزی ل سەر وێ چەندێ ژی کریە کو مەفرەزە و تیمێن وان دێ د ئامادەباشیێ دانه بۆ چاڤدێریکرنا جهێن گشتی، و هەر کەسێ سەرپێچیێ بکەت دێ رووبڕووی سزایێن توند یێن یاسایی بت.