مههدی حهسهن: سەرهاتیا عنتەری و بابێ وی د سەقایێ زڤستانێ ئازار 2, 2026ئازار 2, 2026 مههدی حهسهن: سەرهاتیا عنتەری و بابێ وی دهژمارا ئێزدیا دا و ئهرێ گرنگییا خۆ هەیە بۆ سەقایی زڤستانێ؟ سهما – گوتار – مەهدی حەسەن موراد هەگەر هونێن بەریز بەرێ خۆ ب دەنێ ئەو بەفرا دوهی هیڤاری ل چیایێن کوردستانێ هاتی و دەڤەرا ئەم دبیژینێ زۆزانا دوهی ئەو شەڤا عنتەری بوو … هەر بوزانین ل چاردەیی مەها سباتا رۆژهەلاتی وەرزێ زڤستانێ ب داوی دئێت و دبتە وەرزێ بەهارێ، ژبەركو مەها سباتێ نیڤەك زڤستانە و نیڤەك بەهارە، عنتەر رۆژەكێ ژ مال دەركەفت دنیا گەرم بوو رۆژەك گهلهك یا دەركەفتی بوو و دنیا گەلەك یا گەرم بوو لهوران بەرێ خۆ دا دەشتێ و گەریانەك ل ئاقارێ گوندی كر، دیت تەیرو تەوال یێ پوش و پالى خرڤەدكن و تەیرەكی بناڤێ (تیتی) هێلینا خۆ یا دروستكری و هیكێن كرین، عنتەری ژی وەسا هزر كر زڤستان خلاس بوو مادەم چیچكا هیك كرینە، رابوو هاتە مال و دگەل بابێ خۆ ئاخڤی گۆتێ باب سبەی دێ پەزێ خۆ بەینه زۆزانان و دێ رابین كاروبارێ خۆ كەین بابێ عەنتەری گۆتێ كورێ من هێشتا رۆژەك زڤستان یا مایی بلا سبەی ژی دەرباز بت پاشی بخێر هەرە. بەلێ فایدە نەكر عنتەری گۆتە بابێ خۆ رۆژەك و شەڤەك یێت ماین خۆ دنیا خراب نابت سبەی دێ پەزێ خۆ بەینه چێروانێ و دێ چین هندی بابێ وی گۆتێ كوڕێ من دا زڤستان خلاس بت ئەڤ رۆژ و شەڤ گەلەكن ل هژمارا زڤستانێ یانكو سالەك و زەمان یێت ماین فایدە نەكر. ل هێڤارا (١٣)ی سباتێ هێشتا رۆژەك مابوو بۆ زڤستانێ ئانكو ل رۆژا (٢/٢٧)زاینی عنتەری گۆتە بابێ خۆ دڤێت ب رێبكەڤین ئەو فەرمان ل بابێ خۆ كر تەرش و تەوال هەموو خرڤەكرن و خۆ بەرهەڤكرن،سبەیكێ زوو دانە رێ ژ گۆتنا پتر ژ دەهــ كەریێن پەزی هەبوون و چەندین حێشتر و ئاژەلێن دیتر هەبوون، سبەیكێ هەموو بكاركرن و بەرێ خۆ دانه زۆزانان بۆ كۆچەریێ چێراندنا پەزێ خۆ و ب رێكەتن. ب شەڤ بەفر و بارانێ لێكر و تەنگاڤ بوون سەقا ساربوو و بەفرەكا زۆر هات و رێیا وان هاتە گرتن و تەرش و تەوالێ وان كەفتە بن بەفرێ هەتا بەرێ سبەیكێ هەموو ئاژەلێ وان دناڤ بەفرێ دا مرن، ژ نەچاری زگێ حێشترێن خۆ كەلاشتن و خۆ دناڤ زگێ حێشترا دا پاراستن بتنێ دا گیانێ خۆ ب پارێزن، لێ عنتەری ڕمەك لبەر خۆ چقاند و زەنگلەك ب سەرێ رمێ ڤە دانا دا تشتەكی ژ رەوشا سەقایی ب زانت، هەتا بەرێ سبەیكێ هەفت جارا بەفر باری و دبوو ساهی دەمێ بەفر دباری زەنگل نەدهژیا و دەنگ ژێ نەدهات دەمێ بەفرێ بەتال د كر دەنگێ زەنگلێ دهات عنتەری زانی چەند جارا بەفر هاتیە و چەند جارا بوویە ساهی،بەرێ سبەیكێ رۆژا ئێكێ ژ بەهارێ بەفر و باران سەكنی و رۆژھەلات وڤەگەریان مال دەست خالی بەس مرۆڤ د ساخبوون و تەرش و تەوالێ وان هەموو مرن، ب رێڤە گۆتن ئەم بچین بەرێ خۆ ب دەینه وی تەیری و هێلینا وی كا چی بسەرێ وان هاتیە چۆن دیتن تەیرێ (تیتی) ل ناڤ هێلینا خۆ یێ رەق بووی و مریە، ئەڤجار عنتەری گۆتێ تیتكێ تیتانە تە مالا خۆ خرابكر و مالا من لجەم یا خودانی وهاتن مال ب دلەكی پر خەم و كۆڤان عنتەری دوو ژن هەبوون ئێك كچ مام بوو و ئێك یا بیانی بۆو عنتەری پرسیارەك ژ هەڤژینێن خۆ كر گۆتە وان دلێ كێژ ژوە بمە ڤە بوو كیژ وە دزانت چەند جارا بەفر هاتیە و چەند جارا بوویە ساهی، ژنا بیانی گۆت ب خودێ ئەز نزانم تشتێ ئەز دزانم بەفر هەوا هێڤاری هەتا سبێ دئێت، دۆتماما عنتەری گۆت پسمام ئەز نەرازایمە هەتا بەرێ سبەیكێ هەفت جارا شەڤێدی بوویە ساهی و هەفت جارا بەفر هاتیە عنتەری گۆت دۆتمام راست بێژی. ئەڤجار هەتا نهۆ د هژمارا مەدا دبێژن هەتا رۆژەك زڤستان مایە دڤیا عنتەری ل بیرا خۆ بینن و هژمارا زڤستانێ بكن،لەوا ئەم دبێژین هەتا مەها رەش ل ناڤ مەهانە نەچە كۆچەری وزۆزانا.
