د لێداوانهكێ دا بۆ كهنالێ سهما تیڤی فهقیر خێرى دیار کر: ل گۆرهی باوهری و فهلسهفهیا ئۆلا ئێزدیان و ئێزدیاتیێ دا ڕۆژا چارشهمبوویێ ب رۆژا ئافراندنا كنیاتێ دهێته ناسین، ژ بهر هندێ ژى، ئهڤ رۆژه وهک رۆژهکا پیرۆز دئێته هژمارتن.
د درێژاهیا ئاخفتنێن خۆ دا گۆت: ل ههر هێڤارهكا سێ شهمبوویا ل سهر چارشهمبوویان، ل پهرستگهها پیرۆزا لالش و ل ههموو گوند و مهزارگههێن ئێزدیان، چرا دهێنه ڤێخستن، ئهڤ ئهرکه ژى ب رێکا مجێورێن ههر دهڤهرهکێ ب رێورهسمێن تایبهت دهێته ئهنجامدان، وهک نیشانهک بۆ رۆناهى و پیرۆزیا وێ رۆژێ.
سهبارهت کار و ژیانا رۆژانه، فهقیر خێرى ئاشکرا کر: گهلهک ژ گوندنشینێن ئێزدى و خودانکار، رۆژا چارشهمبوویێ ب رۆژا بێهنڤهدانێ ددانن و ناچنه سهر کارێن خۆ.
دیار ژی كر: ژ لایێ جڤاکى ڤه، ئێزدى ل هێڤارێن سێ شهمبوویێن ل سهر چارشهمبوویان چ داوهت و کەیف و شاهیان ئهنجام نادهن، ژبهر کو وێ وهک رۆژهکا ئاینى و روحى دبینن.
