پەیڤدارێ حکومەتا هەرێما کوردستانێ، پێشەوا هەورامانی، د پەیامەکا فەرمی دا دەربارەی باردۆخێ هەستیار یێ دەڤەرێ هۆشداری دا دەزگەهێن راگەهاندنێ و دوپات کر کو پاراستنا گیانێ وهلاتییان ئەرکێ هەرە ل پێش یێ حکومەتێ یە.
پێدڤییە میدیا پابەندی رێنمایان بن د پەیاما پەیڤدارێ حکومەتێ دا هاتییە، کو هەرێما کوردستانێ د قوناغەکا گەلەک هەستیار دا دەرباز دبت، ژبەر هندێ پێتڤییە میدیایێن ناڤخۆیی و بیانی پابەند بن ب نەنیشاندان و روومال نەکردنا جهێن کەفتنا درۆن و مووشەکان.
هەروەسا داخواز کر کو راگەهاندن تنێ پشت ب زانیاریێن فەرمی یێن “دژەتیرۆرا کوردستانێ” و دەزگەهێن ئەمنی ببەستن.
هەلوێستێ حکومەتێ بەرامبەر شهڕی، هەورامانی ئاماژە ب وێ چەندێ کر کو سەرۆکێ حکومەتێ و سەرکردایەتیا سیاسی ب پلانەکا دروست مامەلێ دکەن بۆ پاراستنا هەرێمێ ژ ڤی ئاگری.
وی گۆت: “ئەم دوپات دکەینەڤە کو هەرێما کوردستانێ نابتە پشکەک ژ ڤی شهڕی، چونکی رۆح و گیانێ خەلکی بۆ مە ژ هەموو تشتەکی گرنگترە.”
پاشخانا دۆخی ئەڤ پەیاما حکومەتێ د دەمەکی دا دهێت کو د ١١ رۆژێن دەربازبووی یێن شەڕێ د ناڤبەرا ئەمریکا-ئیسرائیل و ئیرانێ دا، گروپێن چەکدار یێن عیراقێ چەندین هێرشێن درۆنی و مووشەکی کرینە سەر دەڤەرێن جودا یێن هەرێما کوردستانێ، کو بووینە ئەگەرێ زیانێن گیانی و ماددی یێن بەرچاڤ.
