کەسایەتییەکێ کاکەیی: کەناڵێ “سەما” دەرگەهەکێ ستراتیژییە بۆ ناساندنا ئێزدیاتیێ ب جیهانێ
ناڤەندا نووچەیان – سەما
د چوارچۆڤێ دەنگڤەدانێن گرنگیدان ب میدیایا تایبەتمەند، چالاکڤان و کەسایەتییەکێ دیار یێ پێکهاتەیا کاکەیی د دیدارەکا تایبەت دا بۆ کەناڵێ سەما تیڤی، پیرۆزباهی ل جڤاکێ ئێزدی کر بۆ هەبوونا ڤێ دەزگەهێ میدیایی و ڕۆڵێ وی یێ گرنگ د پاراستنا ناسنامەیا نەتەوەیی و ئایینی دا بلند نرخاند.
کەسایەتیێ کاکەیی رهجهب كاكهیی، د ئاخفتنێن خۆ دا دیار کر کو هەبوونا کەناڵێ سەما شانازییەکە بۆ هەموو ئێزدییان، ژبەرکو ئەڤ کەناڵە ب ڕاستی نوونەراتییا وان دکەت.
وی گۆت: “وەکو چالاکڤانەک، پیرۆزباهیێ ل تەڤایێ خوشک و برایێن ئێزدی دکەم کو خودانێ دەزگەهەکێ میدیایی نه، ئەڤە پێشڤەچوونەکا مەزن و جێیێ دلخۆشیێ یە.”
دەربارەی گرنگی و پێگەیێ کەناڵی، ناڤبری ئاماژە ب وێ چەندێ کر کو “سەما” بتنێ شاشەیەکا ئاسایی نینە، بەڵکو دەرگەهەکێ سەرەکییە بۆ گەهاندنا پەیاما ئێزدیاتیێ بۆ هەمی جیهانێ.
وی زێدەتر گۆت: “ئەڤ کەناڵە ڕۆڵەکێ کارا دگێڕت د ناساندنا ڕاستیا ئێزدیاتیێ ب جیهانا ژ دەرڤە، و پرەکا پەیوەندیێ یە د ناڤبەرا ئێزدیان و جڤاکێ نێودەولەتی دا.”
خالەکا دی یا گرنگ کو د ڤێ دیدارێ دا هاتە بەحسکرن، پرسا دیکیۆمێنتکرنا کەلتووری بوو. چالاکڤانێ کاکەیی گۆت:”کەناڵێ سەما کارەکێ مەزن دکەت بۆ تۆمارکرن و دیکیۆمێنتکرنا فەرهەنگ و کەلتوورێ دەولەمەندێ ئێزدییان. پشتڕاستم کو ١٠٠ ساڵێن دی ژی، چالاکڤان، گەڕۆک و لێکۆلەر دێ مفایەکێ مەزن ژ ئەرشیفێ ڤی کەناڵی بینن بۆ تێگەهشتن ژ ڕەسەناتیا ئێزدیان.”