ناڤەندا نووچەیان – سەما
نڤیسینگەها ڕزگاركرنا ڕەڤاندیێن ئێزدی، ڕزگاركرنا كچەکا ئێزدی پشتی 11 سالان ژ دەستێن داعشێ ڕاگەهاند.
دووشەمبوويێ 4ـى ئهیارا 2026، حسێن قائیدی، بهرپرسێ نڤیسینگەها ڕزگاركرنا ڕەڤاندیێن ئێزدی ڕاگههاند، پشتی بزاڤەکا زۆر ئازادكرنا كچەکا گەنج یا ئێزدی ب ناڤێ “جەمیلا بابیر حاجەم” ڕادگەهینین.
بهحس ل وێ ژى كر، ئەڤ كچە خەلكا كۆمەلگەها تەل قەسەبێیە ل شنگالێ و پشتی 11 سالان ژ ڕەڤاندنا وێ د دەمێ ئێرشێن ڕێكخراوا داعشێ دا هاتە ڕزگاركرن.
رۆنكر ژى، جەمیلا ل دەمێ هاتیيە ڕەڤاندن تهمهنێ وێ تنێ هەفت سال بوون و دگەل هەفت ئەندامێن خێزانا خۆ هاتبوو ڕەڤاندن. هەمی ئەندامێن خێزانا وێ ل دەمێن پێشتر هاتینە ڕزگاركرن، تنێ بابێ وێ نەبت كو تا نۆكە چارەنڤیسێ وی نهى دياره.
ل دووڤ ئامارێن فەرمی یێن نڤیسینگەها ڕزگاركرنا ڕەڤاندیێن ئێزدی، ل دەمێ ئێرشێن ڕێكخراوا داعش بۆ سەر شنگال و دەوروبەرێن وێ ل 3ێ تەباخا 2014ێ، نێزیكی 6417 وەلاتیێن ئێزدی هاتنە ڕەڤاندن. ژ وێ ژمارێ تا نۆكە پتر ژ 3596 كەسان هاتینە ڕزگاركرن و چارەنڤیسێ پتر ژ 2550 كەسێن دی هێشتا نهى دیارە.