ناڤهندا نووچهيان – سهما
حکومەتا هەرێما کوردستانێ ب داوی هاتنا پڕۆژەکێ ستراتیژی یێ ئاڤێ ل سنوورێ ناحيهيا خانکێ ڕاگەهاند، کو ب گوژمێ 3.5 ملیار دیناران هاتیە جێبەجێکرن. پڕۆژە دێ کێشەیا کێم ئاڤییێ ل دەڤەرێ بنبڕ کەت و د قۆناغا داهاتی دا دێ ئاڤا پاقژ بۆ چەندین ناحیە و قەزایێن دی یێن دەوروبەری دابین کەت.
رۆژا شهمبوويێ، 31ـی ئهیارا 2026، فەرمانگەها میدیا و زانیارییان يا حکومەتا هەرێما کوردستانێ ڕاگەهاند، پڕۆژەیێ ئاڤا خانکێ کو ل سەر بەنداڤا مووسڵ هاتیە جێبەجێکرن، ب ڕێژەیا 100% کارێن وى ب داوی هاتینە و چۆيه د وارێ جێبەجێکرنێ دا.
ئەڤ پڕۆژەیە کو تێچوویێ وێ 3 ملیار و 500 ملیۆن دینار بوون، شیان هەنە د هەر دەمژمێرەکێ دا 3 ههزار و 400 مەتڕێن سێجا یێن ئاڤا پاقژ و ساخلهم بەرهەم بینت، ئەڤە ژی دێ بتە ئەگەرێ ب داوى ئينانا کێشەیا بێ ئاڤییێ ل دەڤەرا خانکێ.
لدووڤ فەرمانگەها میدیا و زانیاریيان، د قۆناغا دوێ یا ڤی پڕۆژەیى دا، ئاڤا پاقژ دێ گەهیننە دەڤەرێن (سێمێل، تەناهی، و مسێریکێ)، ب ڤێ چەندێ ژی ڕێژەکا زێدەتر یا وەلاتیێن سنوورێ دهڤهرێ دێ ژ ئاڤا پاقژ یا نیشتمانی مفادار بن.
ئەڤ پڕۆژەیە د چارچۆڤێ بزاڤێن کابینا نەهێ یا حکومەتا هەرێما کوردستانێ دایە بۆ پێشێخستنا ژێرخانهیا ئاڤێ و گەهاندنا خزمەتگۆزاريیێن سەرەکی بۆ هەموو دەڤەرێن جودا جودا یێن کوردستانێ.