ناڤه‌ندا نووچه‌یان – سه‌ما
دچارچووڤێ گه‌هاندنا پرۆژێن خزمه‌تگۆزارى بۆ وه‌لاتيان، ل سه‌رده‌مێ كابینا نه‌هێ یا حكومه‌تا هه‌رێما كوردستانێ، چه‌ندين پرۆژه ل ناحيا خانكێ هاتينه بجهئينان.
ئه‌ندازيار خێرى جه‌عفه‌ر، سه‌رۆكێ باژێرڤانيا خانكێ، ئيرۆ 18-5-2025، بۆ سه‌ما دياركر، د به‌رده‌وامیا چێكرنا پرۆژێن نوو یێن خزمه‌تگۆزارى دا ل ناحيا خانكێ یێن كو ل سه‌رده‌مێ كابینا نه‌هێ یا حكومه‌تا هه‌رێما كوردستانێ دئێنه بجهئینان، دماوێ پێنج سالان دا تا نوكه نێزيكى 30 پرۆژێن گرنگ ل سنوورێ ناحيێ هاتينه ئه‌نجامدان.
ده‌رباره‌ى پرۆژه‌يان،خێرى جه‌عفه‌ر، گۆت: ل سه‌ر بوودجه‌يا حكومه‌تا هه‌رێما كوردستانێ، پرۆژه چێكرنا جادده‌يان، چاندن و سۆلينان و چه‌ند بياڤێن ديتر بخۆڤه گرتينه.
سه‌رۆكێ باژێرڤانيا خانكێ ئاشكراكر: “چه‌ند پرۆژێن دى ژى بۆ ده‌ڤه‌رێ هاتينه و ل ده‌مه‌كێ نێزيك دێ ده‌ست ب ئه‌نجامدانا وان ئێته كرن”.
كاروانێ ئاڤه‌دانیێ ل سه‌رده‌مێ كابینا نه‌هێ یا حكومه‌تا هه‌رێما كوردستانێ ل ده‌ڤه‌رێن ئێزدينشين ل سنوورێ پارێزگه‌ها دهۆكێ و ده‌رڤه‌ى ئيدارا هه‌رێمێ یێ به‌رده‌وامه.