ناڤەندا نووچەیان – سەما
ناڤەندا هەڤپشك یا ههماههنگییا قەیرانان سهر ب وەزارەتا ناڤخۆ یا حکومەتا هەرێما کوردستانێ ڕاپۆرتهك بهلاڤكر و دیاركر، 569 هزار و 310 ئاوارەیێن عێراقێ ل هەرێما کوردستانێ دژین و بتریا وان كو دبتە نێزیکی 83%ـێ ژ دەرڤەی کەمپان دژین.
ل دووڤ ئهوێ راپۆرتێ، بتریا ئاوارهیان ل پارێزگەها دهۆکێ د ئاكنجینه، ژمارهیا وان 286 ههزار و 313 كهسن، ل دووڤدا پارێزگههێن هەولێرێ و سلێمانییێ دئێن.
راپۆرتا JCCC ئاشکرا دکەت کو حکومەتا هەرێما کوردستانێ بۆ دابینکرنا خزمەتگۆزاریێن بنەڕەتی بۆ ئاوارە و پەنابەران، سالانە پێدڤی ب بتر ر ژ 850 ملیۆن دۆلارێن ئەمریکی هەیە. تێچوویێ خزمەتگۆزارییان ڕۆژانە بتر ژ 2.3 ملیۆن دۆلاران و هەیڤانە ژی نێزیکی 71 ملیۆن دۆلاران دئێتە خەملاندن.