بنگه‌هێ لالش پێشنياران ئاراسته‌ى جڤاتا روحانى دكه‌ت
سه‌ما:
د ته‌وه‌ره‌كێ ڤه‌كرى دا ڕه‌وشه‌نبيرێن ئێزديان ل هه‌ڤ جڤيان و چه‌ندين پێشنيار به‌رهه‌ڤكرن و ئاراسته‌ى جڤاتا روحانى كه‌ن.
ژ بزاڤ و چالاکیێن بنگەھێ لالش تایێ خانکێ،ئيرۆ 5ى حوزه‌يرانێ،ب ئاماده‌بوونا هه‌ژمارەکا ڕەوشەنبیران و ئەندامێن بنگه‌هى، تەوەرەکێ ڤە کری ل دۆر گەڕا تاووسێ و قەوالان سازكر.
ئاماده‌بوويان هاتنا تاووسا شيخادى و قه‌والان ب ڕێوره‌سمێن ئۆلى بۆ ناڤ گوند و كۆمه‌لگه‌هێن ئێزديان ب گرنگ ل قه‌له‌مدا.
پاشان گه‌نگه‌شه دناڤبه‌را ئاماده‌بوويان دا هاته كرن و چه‌ندين تێبینی و پێشنیار ل دۆر گەڕا تاووسێ هاتنە وەرگرتن و بنگه‌هێ لالش ب نڤیساره‌كا فەرمی دێ گەهیننە جڤاتا روحانی يا ئێزديان.
