بەربژارا پۆستێ بالیۆزێ ئەمریكا ل عیراقێ: دێ بەرژەوەندییێن ئەمریكا ل عیراقێ پارێزم

بەربژارا پۆستێ بالیۆزێ ئەمریكا ل عیراقێ: دێ بەرژەوەندییێن ئەمریكا ل عیراقێ پارێزم
خانى نيوز

بەربژارا پۆستێ بالیۆزێ ئەمریكا ل عیراقێ ڕاگەهاند، ” دێ بەرژەوەندییێن ئەمنی یێن ئەمریكا ل عیراقێ پارێزم ب ڕێیا موكمكرنا ئێمناهی و سەروەرییا عیراقێ. داعش هێشتا گەفە بۆ سەر عیراقێ، لەوما سۆپایێ ئەمریكا دێ هاریكارییێن گرنگ پێشكێشی هێزێن ئەمنی یێن عیراقێ و پێشمەرگێ كوردستانێ كەت. “
ترەیسی جەیکەبسن، بەربژارا پۆستێ بالیۆزێ ئەمریكا ل عیراقێ دیار ژی كر، ” سەقامگیرییا پەیوەندییێن بەغدا و هەولێرێ د بەرژەوەندییا هەمی عیراقییان دایە. ئەگەر بهێمە پەسندكرن، دێ هەڤپشكییا خۆ ل گەل عیراقێ و هەرێما كوردستانێ موكمتر لێ كەین د چارچووڤێ پەیوەندییێن مە یێن گشتی دا ل گەل عیراقا فیدڕال. “

ترەیسی ئان جەیکەبسن حەفتییا بووری ژلایێ ئیدارا بایدنی ڤە بۆ پۆستێ بالیۆزا نوی یا عیراقێ هاتە بەربژاركرن بۆ جهگرتنا ئەلینا ڕۆمانسكی، کو ژ حوزەیرانا 2022 هەتا نوكە بالیۆزا ئەمریكا یە ل بەغدا.