ناڤه‌ندا نووچه‌يان – سه‌ما
ئاژانسا ڕویتەرز ژ زارێ 10 فەرماندەیێن بلند و بەرپرسێن عیراقی بێی ناڤێن وان ئاشکەرا بكەت ڕاگەهاند، چەندین گڕۆپێن میلیشیایێن ب هێز یێن سەر ب ئیرانێڤە ل عیراقێ، د ئامادەنە چەكێ خۆ ب دانن داكو خۆ ژ تۆڕەییا دۆنالد تڕەمپ، سەرۆكێ ئەمریكا ب پارێزن.
ئه‌ڤه ژى ئێكه‌م جاره گرۆپێن ميليشيايێن توندڕه‌وه‌يێن عيراقێ نه‌چار دبن بۆ دوورئێخستنا گه‌فێن شه‌ڕێ ئيداره‌يا ئه‌مريكا ڤێ بريارێ بده‌ن.
ب گۆتنا فەرماندێن بلند یێن گڕۆپێن میلیشیایان، ئەڤ پێنگاڤا وان بۆ ئارامكرنا ئالۆزیانە، پشتی ژلایێ ئیدارا نوو یا ئەمریكا ڤە ب ڕێیا حكومەتا عیراقێ ب نهێنی هوشداری پێ هاتیەدان كو خۆ ژ هەڤپەیمانییا ئیرانێ دوور بكەن.