سوبه‌هى سه‌رۆكێ هه‌رێمێ و سه‌رۆكێ حكومه‌تێ ل پارێزگه‌ها دهۆكێ نه
گاڤ – تایبه‌ت
سوبه‌هى گه‌ڕا شه‌شێ یا ده‌رچوونێ یا زانینگه‌ها ئه‌مریكى كوردستان – دهۆك دێ هێته گێڕان، هه‌ر ئێك ژ نێچیرڤان بارزانى، سه‌رۆكێ هه‌رێما كوردستانێ، مه‌سروور بارزانى، سه‌رۆكێ حكومه‌تا هه‌رێمێ، د. له‌تیف ره‌شید، سه‌رۆككۆمارێ ئیراقێ دێ پشكداریێ كه‌ن.
هه‌لمه‌ت كوێستانى، به‌رپرسێ راگه‌هاندنا زانینگه‌ها ئه‌مریكى ل دهۆكێ بۆ گاڤ گۆت: سوبه‌هى زانینگه‌هـ دێ گه‌ڕا خۆ یا شه‌شێ گێڕیت و هه‌ر ئێك ژ نێچیرڤان بارزانى، سه‌رۆكێ هه‌رێما كورستانێ، مه‌سروور بارزانى، سه‌رۆكێ حكومه‌تا هه‌رێما كوردستانێ، د.له‌تیف ره‌شید، سه‌رۆككۆمارێ ئیراقێ، وه‌زیرێن خواندنا بلند یێن حكومه‌تێن هه‌رێم و ئیراقێ دێ پشكدار بن.
كوێستانى ئاشكراكر، د گه‌ڕا سوبه‌هى دا 68 قوتابیێن چار كولیژێن زانینگه‌هێ دێ ده‌رچن و دبیته گه‌ڕا شه‌شێ یا ده‌رچوونێ یا زانینگه‌ها ئه‌مریكى – كوردستان ل پارێزگه‌ها دهۆكێ.
