مه‌يان خێرى به‌گ: هيڤيدارين ره‌ڤانديێن ئێزدى ژ ده‌ستێ داعشێ بێنه‌ رزگاركرن

ناڤەندا نووچەیان – سەما
مه‌يان خێرى به‌گ، خاتوونا ئێكێ يا ئێزديان ب هه‌لكه‌فتا ژ دايكبوونا حه‌زره‌تێ مه‌سيح(سلاڤ لێ بن)، سه‌رێ سالا نوو يا زاينى په‌يامه‌كا پيرۆزباهيێ ئاراسته‌ى كريستيانێن هه‌رێما كوردستانێ و عيراقێ و جيهانێ كر.
ده‌قێ په‌ياما مه‌يان خێرى به‌گ:
ب هه‌لكه‌فتا سه‌رێ سالا نوو يا زاينى پيرۆزباهيێن خۆ ئاراسته‌ى سه‌رجه‌م كريستيانێن هه‌رێما كوردستانێ و عيراقێ و جيهانێ دكه‌ين و هيڤيدارين سالا خێر و خۆشيێ بت بۆ هه‌موويان.
هه‌روه‌سا، هيڤيدارين ئاشتى و ئێمناهى ل ده‌ڤه‌رێ به‌رقرار ببن و شه‌ڕ و تيرۆر نه‌مينن و ره‌ڤانديێن ئێزدى يێن د ده‌ستێ تيرۆرستێن داعشێ دا ماين بێنه‌ رزگاركرن.
ديسان دپه‌ياما خۆ دا گۆتيه‌، هيڤيدارين ئاواره‌ييا ئێزديان ب داوى بێت و خه‌لكێ شنگالێ ل كه‌مپان ب سه‌رفه‌رازى و سه‌ربه‌ستى ڤه‌گه‌رنه‌ ده‌ڤه‌رێن خۆ ڤه‌.
دووباره‌ جه‌ژنا پيرۆزبت و سالا خۆشيێ بت.
مه‌يان خێرى به‌گ
خاتوونا ئێكێ يا ئێزديان