سەرۆکێ حکوومەتێ پێشوازییا باڵوێزێ ڤەنزوێلا ل عێراقێ کر
باسنيوز:
سەرۆكێ حكوومەتا هەرێما كوردستانێ، پێشوازییا باڵوێزێ ڤەنزوێلا ل عێراقێ كر و چەند بابەتەک گۆتۆبێژ كرن.
ئەڤرۆ دووشەمبی 10/6/2024، مەسرور بارزانی، سەرۆکێ حکوومەتا هەرێما کوردستانێ، پێشوازییا ئەرتورۆ ئانیبال ڕامیرێز، باڵوێزێ ڤەنزوێلا ل عێراقێ کر، باڵوێزێ کۆمارا ڤەنزوێلا سڵاڤ و ڕێزێن نیکۆلاس مادورۆی، سەرۆک کۆمارێ ڤەنزوێلا گەهاندنە سەرۆکێ حکوومەتێ، بەرهەڤیا ولاتێ خۆ بۆ بهێزکرنا پەیوەندییان دگەل هەرێما کوردستانێ نیشاندا، ب تایبەت د بوارێن ئالوگۆڕییا بازرگانی و وزە و وەبەرهێنان و چاندن و گەشتوگوزارێ.
سەرۆکێ حکوومەتێ خواستا هەرێما کوردستانێ بۆ پێشدەبرنا پەیوەندییان دگەل ڤەنزوێلا د بوارێن جۆراوجۆردا دووپات کر.