ناڤهندا نووچهیان – سهما
سەرۆک بارزانی پیرۆزباهييێ ل هەردوو یانەیێن تهپاپێ يێن دهۆک و زاخۆ دکهت و ئاماژێ ب وێ چهندێ ددهت، گەهشتنا هەوە بۆ یارییا داویێ يا جاما عێراقێ “سەركەفتنا كوردستانێیە”.
شەمبوويێ، 19ـی تەممووزا 2025، سەرۆک مەسعود بارزانی د پەیامهکێ دا ڕاگەهاند “پیرۆزباهییەکا گەرم ل هەردوو یانەیێن دهۆک و زاخۆ دکەم بۆ ڤێ سەرکەفتنا بدەستڤهئينايى.”
سەرۆک بارزانی د پشكهكا دى يا پهياما خۆ دا بهحس ل وێ 1چهندێ كر، گەهشتنا هەردوو یانەیێن دهۆک و زاخۆ بۆ یاریا داويێ يا جاما عێراقێ “جهێ دەستخۆشیێ و سەركەفتنا كوردستانێیە. ”
شهڤا بۆرى 18ـی تەممووزا 2025، د یاریا داويێ يا جاما تهپاپێ يا عێراقێ دا، ل یاریگەها شەعب ب ئامادەبوونا نێزیکی 40 ھەزار ھاندەر و پشتهڤانان دھۆک و زاخۆ رووبڕووی ئێك بوون، پشتى دهربازبوونا 90 خۆلەان و زێدهكرنا دوو نيڤێن زێدهكرى، یاریی چوو لێدانێن ئێكلاكهر و دھۆکێ بۆ ئێكهم جار نازناڤ بدهستڤهئينا.