ل دهۆكێ 28 هه‌زار قوتابیان ده‌ست ب ئه‌نجامدانا ئه‌زمونان كر
سه‌ما
بۆ دوویڤ چونا ره‌وشا قوتابیان ده‌مێ ئه‌زمونا ئه‌نجامده‌ن ئه‌ڤرۆ سپێدێ رۆژا ئێكشه‌مبى 23/خزیرانا /2024 ێ به‌رێزان ماجد سه‌ید سالح جێگرێ پارێزگارێ دهۆكێ وعمر على ته‌ها رێڤه‌به‌رێ گشتى یێ په‌روه‌ردێ ل پارێزگه‌ها دهۆكێ ورێڤه‌به‌را په‌روه‌ردا رۆژهه‌لات وچه‌ند بسپورێن په‌روه‌رده‌یى جودا جودا سه‌را بنگه‌هێن (ئاماده‌یا شالین وئاماده‌یا میدیا) دا وژنێزیك سه‌حكره ره‌وشا قوتابیان وسه‌قایێ ئه‌نجامدانا ئه‌زمونێن ویزارى قوناغا شه‌شێ ئاماده‌یى پشكێن زانستى و وێژه‌ى وپیشه‌یى.
جێگرێ پارێزگارێ دهۆكێ ده‌ستخوشى ل رێڤه‌به‌ریا گشتى یا په‌روه‌ردێ وهه‌موو سه‌رپه‌رشت وكارمه‌ندێن رێڤه‌به‌ریا گشتى یا په‌روه‌ردێ كر بۆ په‌یداكرنا سه‌قایه‌كێ گونجاى بۆ وێ یه‌كێ هه‌موو قوتابى ب ئارامى ودل ره‌حه‌تى ئه‌زمونێن خو ئه‌نجامده‌ن وهیڤى یا سه‌ركه‌فتنێ بۆ هه‌موو پشكدار خواست.
ژلایێ خوڤه رێڤه‌به‌رێ گشتى یێ په‌روه‌ردێ ل پارێزگه‌هێ سوپاسیا وه‌زاره‌تا په‌روه‌ردێ وكارگێریا پارێزگه‌هێ وهه‌موو ده‌زگه‌هێن ئێمناهى ویێن په‌یوه‌ندیدار كر ژبۆ دابینكرنا هه‌موو پێدڤیێن هولێن ئه‌زمونان وده‌ستخوشى ل ستافێ كارگێرى یێ په‌روه‌ردێ كر بۆ سه‌رپه‌رشتیكرنا ڤێ پروسا زانستى وهیڤى یا سه‌ركه‌فتنێ بۆ قوتابیێن پشكدار خواست.
هه‌ژى گوتنێ یه پروسا ئه‌نجامدانا ئه‌زمونا هه‌تا 17-7-2024دێ یا به‌رده‌وامبیت و(527) بنگه‌ه هاتینه ده‌ست نیشانكرن وپتر ژ (28) قوتابى یێن قوناغا (12) ئاماده‌یى ژكچ وكورا ژ پشكێن زانستى و ێژه‌یى وپیشه‌یى ل سه‌ر ئاستێ 9 په‌روه‌رده‌یان ل پارێزگه‌هێ دێ پشكداریێ تێدا كه‌ن.