ناڤەندا نووچەیان – سەما
وەزارەتا ناڤخۆ ڕاگەهاند، بتنێ ژ ژێدەرێن فەرمی یێن حکومەتا هەرێما کوردستانێ زانیارییان وەربگرن؛ داخوازێ ژ کەنالێن ڕاگەهاندنێ دکەین ب هشيارى سهرهدهرييێ ل گەل هەر نووچهيكى بکەن کو پەیوەندی ب ئاسایشا وهلاتييان هەبت.
ئێك شهمبوويێ، 29ـی ئادارا 2026، وەزارەتا ناڤخۆ يا حکومەتا هەرێما کوردستانێ راگەهاندنهك بهلاڤ کر و تێدا ئاماژە ب وێ چهندێ دا، ژبەر وێ رەوشا ل دەڤەرێ و ئیراقێ هەیی، هندەک ژێدەر زانیارییێن نەدروست ل دۆر رەوشا ئەمنی یا هەرێما کوردستانێ بۆ ئالۆزکرنا پتر یا رەوشێ و بەلاڤکرنا ترسێ د ناڤ وەلاتییان دا بەلاڤ دکەن.
د ڕاگههاندنهكێ دا هاتييە، وەلاتییان ئاگەهدار دکەین، بتنێ ژ ژێدەرێن فەرمی یێن حکومەتا هەرێما کوردستانێ زانیارییان ل سەر ڤێ چەندێ وەربگرن و نەکەڤنە بن کارتێکرنا پروپاگەندەیێن نەیاران.
هەروەسان داخوازێ ژ کەنالێن راگەهاندنێ دکەین ب هشیاری سەرەدەرییێ ل گەل هەر نووچە و زانیارییەکێ بکەن کو پەیوەندی ب ئاسایشا وەلاتییان ڤە هەبیت و بێ-هویربینییا ل گەل ئالییێن پەیوەندیدار زانیارییێن نەدروست بەلاڤ نەکەن.