سەرۆک بارزانی: دڤێت مافێن کوردان ل سووریێ گەرەنتیا دەستووری هەبت

ناڤەندا نووچەیان – سەما
ئیرۆ ئێک شەمبوویێ، 18ـی کانوونا دووێ 2026، سەرۆک بارزانی دەربارەیی ئەو شەڕ و ئاڵۆزیێن دناڤبەرا هێزێن حكومەتا سووریا و هێزێن سووریا دیموكرات هەین ڕاگەهاند، هیڤیدارین ب زووترین دەم ئەو شەڕ و ئالۆزییە بهێنە ڕاگرتن یێن نوكە دناڤبەرا هێزێن حكومەتا سووریا و هێزێن سووریا دیموكراتدا هەین، هەموو لایەن ڤەگەرنە وێ ڕێككەفتنێ یا پێشتر بۆ چارەسەركرنا ئاریشەیان و گەهشتن ب سەقامگێرییێ دناڤبەرا لایەنێن سووریادا هاتییە كرن.

دەقێ پەیاما سەرۆک بارزانی:
ب ناڤێ خودێ مەزن و دلوڤان
سەبارەت داوی پێشهاتە و گوهۆڕینێن سووریا و د چارچۆڤێ هەولدان بۆ چارەسەركرنا كێشەیان، دوهی كۆمبوونەكا هەڤپکشا گرنگ مە دگەل نێردەیێ تایبەتێ سەرۆك ترامپ بۆ كاروبارێن سووریا و فەرماندەیێ گشتیێ هێزێن سووریا دیموكرات و سەرۆكێ ئەنەكەسە هەبوو.
هیڤیدارین ب زووترین دەم ئەو شەڕ و ئالۆزی و گرژیێن نوكە د ناڤبەرا هێزێن حكۆمەتا سووریا و هێزێن سووریا دیموكرات دا هەین، بهێنە ڕاوه‌ستاندن و هەموو لایەك ڤەگەڕن بۆ وان رێككەفتنێن، بەری نوكە بۆ چارەسەركرنا كێشەیان و گەهشتن ب سەقامگیریێ د ناڤبەرا لایەنێن سووری دا هاتینە ئەنجامدان.

هەروەسا دەرچوونا مەرسوومێ سەرۆكێ سووریا ل دۆر مافێن كوردان ب گاڤەكا ئەرێنی و ئاراستەیەكێ درست دزانین، هیڤیدارین ببیتە زەمینەیەك و ب ڕەزامەندییا لایەنێن پەیوەندیدار ب شێوەیەكێ یاسایی و دەستووری بێتە دەولەمەندکرن و گەرەنتییا ئاڤاکرنا مافێن گەلێ كورد ل سەر بێتە کرن.