سه‌ما
پرۆژێ فێرگەها شاریا يا وه‌رزشى ژلایێ بنگەهێ لالش و کارگێریا یاریگەها شاریا ده‌ستپێكر.
بارزان خێرى، ئێك ژ سه‌رپه‌رشتێن خۆلێ بۆ سه‌ما، ڕاگه‌هاند: ل ڕۆژا 26/5/2025ێ، پرۆژێ فێرگەها شاریا يا وه‌رزشى ژلایێ بنگەهێ لالش تایێ شاریا و کارگێریا یاریگەها شاریا بۆ گه‌نجان ده‌ستپێكر.
گۆتژى: فێرگەهـ ژلايێ ڕاهێنەرێن وەرزشی ب باشترین شێوە ل سەر پرۆگرامێ تەپاپێ دئێته ب ڕێڤه‌برن و ياريزان ب شێوازێ پراكتیكی و تێوری ئێنە فێرکرن.
بارزان خێرى ديار ژى كر، زارۆكێن پشكدار و یێن دڤێن ناڤێن زارۆكێن خۆ بنڤیسن پێتڤیه، ته‌مه‌نێ وان دناڤبه‌را 6 بۆ 16 سالیێ دابت و به‌رده‌وام ناڤ دئێنه نڤیسین، پرۆژه بۆ ڤى وه‌رزێ هاڤينێ دێ يێ به‌رده‌وام بت.
دا زانين ژى، ئێك ژ ئارمانجێن ڤی پرۆژه‌ی دووربوونا زارۆكانه ژ ته‌كنه‌لۆژیایێ و فێربوونا وانه د بیاڤێن وه‌رزشی دا ب تایبه‌ت د بیاڤێ ته‌پاپێ دا.