ناڤهندا نووچهيان – سهما
شێوهرمەندێ سەرۆكێ حكومهتا هەرێما کوردستانێ دبێژت: حکومەتا هەرێمێ خزمەتەکا بێ وێنە د ههموو بياڤاندا پێشکێشی جڤاكا ئێزدیان دکەت.
هەرمان میرزا بەگ، شێوهرمەندێ سەرۆكێ حكومهتا هەرێما کوردستانێ بۆ كاروبارێن ئێزديان، بۆ سهما ڕاگههاند: ل ٢١ـى ئهيلولا 2024، مەسرور بارزانی، سەرۆکێ حکومەتا هەرێما کوردستانێ د ڕێورەسمەکێ دا بەرێ بنیاتێ جووتسایدێ شێخان بۆ پهرستگهها لالش ل سنوورێ پارێزگەها دهۆک دانا و زێدەتر ژ ٢٦ ملیار دینار لێ هاتنە مەزاختن، درێژاهیا ڕێكێ نێزیکی 9 کیلۆمەترانە و ژ لایێ کۆمپانیا نۆرسلایت ڤە هاتیە چێکرن، هەروەسا پڕۆژە دوو مەهـان بەرى وەختێ خۆ هاتە تمامکرن.
شێوهرمەندێ سەرۆكێ حكومهتا هەرێما کوردستانێ، بهحس ل وێ يهكێ ژى كر، سالانە د جەژنێن مە دا قەرەباڵغیەکا مەزن یا هاتنوچوونێ هەبوو، خەێک چەندین دەمژمێران د ناڤ وێ قەرەبالغیێ دا دمان، هەروەسا ئاستەنگ ل بەردەم هاتنوچوونا وەلاتیان ل دەڤەرێ هەبوون، ئەگەرێ ڕوویدانێن هاتنوچوونێ و قوربانیێن مرۆڤی زۆر بوون، لێ نها ڕێک بەرفرەهە و ئەو دەمێ پێدڤی بۆ گەهشتنا زیارەتکاران کێم دبتەڤە، ئەڤە ژی بەرهەمێ کابینەیا نەهێ یە.
ئاماژە ب وێ یەکێ ژی کر، حکومەتا هەرێما کوردستانێ ب سەرۆکاتیا مەسرور بارزانی، خزمەتەکا بێ وێنە پێشکێشی ئێزدیان دکەت، هەر ژ هاریکاریکرنا ڕزگاربوویێن دەستێ داعش، ڤەکرنا سەنتەرەکێ دەروونی، پڕۆژێن خزمەتگۆزاری ل دەڤەرێن ئێزدیان، نووژەنکرنا جهێن ئایینی و پەرستگەها لالش، کۆمەلگەهـ، گوندان، هاریکاریکرنا قوتابی و گەنجێن ئێزدی.
ل ڕێككهفتی ٢٠ـى ئهیلوولا ٢٠٢٥، ب ئامادهبوونا مهسرور بارزانی، سهرۆكێ حكومهتا ههرێما كۆردستانێ و میر حازم تهحسین بهگ، میرێ ئێزدیان و بەرپرسێن هەردوو مەکتەبێن ڕێکخستنا پارتی دیموکراتی کوردستان ل پارێزگەهێن دهۆک و مووسل دگەڵ هاریکارێن بەرپرسێن هەردوو مەکتەبا و بەرپرسێن لقێن پارتی ل دەڤەرێ و ههژمارهكا بهرپرسێن دامودهزگایێن حكومی و لایهنێن سیاسی و كهسایهتیێن ئۆلی، جووتسایدێ ستراتیژی ژ شێخان بۆ پهرستگهها لالش هاته ڤهكرن.
ئهڤ جاددهیه دێ دهڤهرێ ههموويێ پێشئێخت ب تایبهت كهرتێن چاندنێ و گهشتیاری و شوونهواری، ههروهسا دێ بته ئاسانكاری بۆ زیارهتكارێن سالانه یێن پهرستگهها لالش.