ڕێڤه‌به‌رێ په‌روه‌ردا شنگال:پرۆژێ حكومه‌تا هه‌رێمێ دێ خزمەتا قوتابيێن رزگاربووی كەت
سه‌ما
رێڤه‌به‌رێ په‌روه‌ردا شنگال ئاشكه‌راكر،پرۆژێ حكومه‌تا هه‌رێمێ راگه‌هاندى بۆ ڤه‌گه‌راندنا قوتابيێن ڕزگاربوويێن ژ ده‌ستێ داعشێ ڕێخۆشكه‌ره قوتابى به‌رده‌واميێ ب خووندنا خۆ بده‌ن و پشته‌ڤانى يا پرۆژه‌ىى دكه‌ين.
مه‌يسه‌ر حه‌جى،ڕێڤه‌به‌رێ په‌روه‌ردا شنگال يا خووندنا زمانێ كوردى بۆ سه‌ما گۆت:ژبه‌ر بارێ ده‌روونى و نه‌بوونا ئاسانكاريان گەلەك كچێن رزگاربوویى نه‌دكارى بەردەوامیێ بدەنە خووندنا خۆ،پشتى بريارا وه‌زيرێ په‌روه‌ردێ و ل ژێر ڕۆژنايا جه‌نابێ سه‌رۆكوه‌زيران مه‌سرور بارزانى،نۆكە هەموو رزگاربوویێن ئێزدی دكارن بخوونن و ئەڤ پرۆژە دێ گەلەك خزمەتا رزگاربوویان كەت.
زێده‌تر گۆت:رەنگە بەری نۆكە ته‌مه‌نێ رزگاربوویان رێگر بت بۆ خووندنێ، لێ نۆكە وەزارەتا پەروەرده‌يا حكومه‌تا هه‌رێمێ ئەو بڕگە بۆ وان ڕاگرتیە،پێنگاڤه‌كا گرنگه هاتيه كرن.
ل ڕێككه‌فتى 18/7/2024ێ،ل سەر داخوازیا بنگەهێ لالش و ب فەرمانا ڕێزدار مەسروور بارزانی سه‌رۆكێ حكومه‌تا هه‌رێمێ،پرۆژەکی دی یێ خووندنێ بۆ قوتابيين ڕزگاربوویێن ژ دەستێ داعش ژلایێ وەزیرێ پەروەردێ ڤە هاتە ڕاگەهاندن.