ناڤهندا نووچهيان – سهما
ئيڕۆ ئێك شهمبوويێ، 12ـی چريا ئێكێ 2025، مەسرور بارزانی، سەرۆکێ حکومەتا هەرێما کوردستانێ کەنیسەیا “ئووم ئەلنوور” ل باژێرێ عەنکاوا ڤهکر.
مەسرور بارزانی، سەرۆکێ حکومەتا هەرێما کوردستانێ گۆتژى: هیڤيدارم ئەڤ کەنیسەیە ببتە جههكێ گرنگی پەرستنا کریستانیان ل عەنکاوا و ببتە مەڵبەندێ پێشڤهبرنا زێدهتر يا برایەتی و دۆستایەتيا دناڤبهرا ئایينان و گەشەپێدانا کەلتوور و پێکڤهژیانێ ل هەرێما کوردستانێ.
سهرۆكێ حكومهتێ، ئاماژە ب وێ چهندێ دا، دڤان ساڵێن داویێ دا ب تایبەتی پشتى هێرشا تیرۆرستێن داعش بۆ سهر هەرێما کوردستانێ و مووسڵ و دەشتا نەینەوا هەزران خوشک و برایێن کریستیان ل وان دهڤهران نهچاربوون ماڵ و حاڵێ خۆ بجێبهێڵن و پەنايێ بۆ هەرێما کوردستانێ ببهن، ب تایبەت ژى ل عەنکاوا ئاكنجى بن، دبێژت ئەڤ کەنیسەیە دیارییا حکومەتا هەرێما کوردستانییە بۆ ئەو خوشک و برایێن زوربەیا وان ئاوارەیێن دەشتا نەینەوانە کۆ ب ئەگەرێ نە سەقامگیریا ناوچەیا وان ل کوردستانی ماینە، کۆ مفای ژ ڤێ کەنیسەیێ وەرگرن و پەرستنێ تێدا بکەن.
گۆتژى: چەند ڕۆژان بهرى نوكه، پڕۆژەیەکێ ڕێگاوبانان ل نێزیک پەرستگەها لالش ڤهكر، کو ئاسانکارییەکا زۆر بوو بۆ خوشک و برايێن ئێزدیان، ئەڤه هەموو بەڵگە و نیشانا هەمەڕەنگیا کۆمەڵگەها کوردستانێ و گرنگیدانا حکومەتا هەرێما کوردستانێ يه ب هەموو ئاینيان و حکومەتا هەرێما کوردستانێ دێ بەردەوام بت ل سەرخستنا پەیاما ئاشتی و پێكڤهژيانێ ل سەرانسەری ڕۆژهەڵاتا ناڤەڕاست.