ناڤهندا نووچهيان – سهما
سەرۆکێ حکومەتا هەرێما کوردستانێ، ل گەل عیرفان سدیق، بالیۆزێ بریتانیا ل عێراقێ کۆم بوو؛ تێدا پێشڤهبرنا پەیوەندیيێن دووقۆلی، پشتەڤانیکرنا حکومەتا فیدڕال بۆ پاراستنا سەقامگیریيێ و گرنگیيا کاراکرنا پەرلەمانێ کوردستانێ بۆ ب داوئینانا چەقبەستووییا سیاسی هاتنە بهحس كرن.
ئيرۆ دووشەمبێ، 15ـى حوزەیرانا 2026ێ، نڤیسینگەها سەرۆکێ حکومەتێ ڕاگەهاند؛ مەسرور بارزانی، سەرۆکێ حکومەتا هەرێما کوردستانێ، پێشوازی ل عیرفان سدیق، بالیۆزێ بریتانیا ل عێراقێ کر.
د ڕاگەهاندنێ دا هاتیيە؛ د کۆمبوونێ دا، ژ بلی تاووتوێکرنا ڕەوشا گشتیا ئیراقێ و دووماهی گۆڕانکاری و پێشهاتێن دەڤەرێ، هەردوو ئالیان جەخت ل سەر پەرەپێدانا پتر یا پەیوەندیێن هەرێما کوردستانێ و شانشینا ئێکگرتی کر.
هەردوولا هەڤبووچوون بوون ل سەر پێدڤیا پشتەڤانیکرنا حکومەتا فیدرال ژ پێناڤ پاراستنا ئاشتی و سەقامگیری و روبروویبوونا ئاستەنگ و ئالنگارییان.
د ڤی بیاڤی دا، بالیۆزێ بریتانیا سەرەدانا مەها بۆری یا سەرۆکێ حکومەتێ بۆ بەغدا بلند نرخاند و ب سەرکەفتی ناڤبر ژ بۆ ئاراستەیا چارەسەرکرنا کێشەیێن د ناڤبەرا هەرێما کوردستانێ و حکومەتا فیدڕال دا ل سەر بنەمایێ دەستووری.
د پشکەکا دی یا کۆمبوونێ دا، سەرۆکێ حکومەتێ تهكهزى ل سەر پێدڤیيا کاراکرنا پەرلەمانێ کوردستانێ وەک دامەزراوەیەکا گرنگا یاسادانانێ کر ژ بۆ ب داويئينانا چەقبەستووییا سیاسی ل هەرێما کوردستانێ.