ناڤهندا نووچهيان – سهما
سهرۆكوهزيرێن عێراقێ رهزامهندى ل سهر قەرەبووکرنا خەڵکێ شنگال و ههموو دهڤهرێن ڕۆژئاڤايێ ديجلهيى دا.
د. خەلەف شنگالێ، شێوهرمهندێ سهرۆكوهزيرێن عێراقێ بۆ كاروبارێن ئێزديان ڕاگههاند: ل سەر نڤيسارا مە محهمهد شياع سودانى، سهرۆكوهزيرێن عێراقێ ڕهزامهندى ل سەر قەرەبووکرنا خەڵکێ شنگالێ، رەبیعە، تەلەعفەر، قەحتانیە، بەعاج و هەموو دەڤەرێن ڕۆژئاڤایێ ديجلەيى كر.
ئاماژه ب وێ چهندێ دا، ل گۆڕهى نڤيسارا پێشكێشكرين، دێ پشتهڤانييا گهنجان دبياڤێن جودا جودا ئێته كرن، ژبۆ رهخساندنا دهليڤهيێن كارى و نههێلانا بێكاريێ.
هێشتا پتريا خهڵكێ شنگالێ ئاوارهنه ل كهمپاندا و گازندهيان ژ سستيا پڕۆسهيا قهرهبووكرنێ دكهن و دخوازن دهڤهرێن وان بێنه ئاڤهدانكرن و قهرهبووكرن داكو ڤهگهڕنه ڤه.