پرۆژه‌يه‌ك بۆ ڕزگاربويێن ئێزدى دئێته به‌رهه‌ڤكرن
سه‌ما:
دووه‌مين كۆمبوونا ئامادەكرنا پرۆژه‌يێ سەنتەرێ چارەسەريا دەرونی بۆ ڕزگاربويێن ژ دەستێ داعشێ ل هه‌ولێرێ هاته ئەنجامدان.
دڤێ كۆمبوونێ دا كو ئيرۆ ڕۆژا دووشه‌مبوويێ 10ى حوزه‌يرانێ، ل هه‌ولێرا پايته‌خت ب ئاماده‌بوونا لايه‌نێن په‌يوه‌نديدار ب ڕێڤه‌چوو،تێدا دانوستاندن ل دۆر پرۆژه‌يێ سه‌نته‌رى هاته كرن.
برياره ل ڤان نێزيكان پرۆژه ب كه‌فته به‌رده‌ستێ حكومەتا هەرێما كوردستانێ ب مه‌ره‌ما په‌سه‌ندكرنێ.
ئەڤ پرۆژە، ئێكە ژ پرۆژەيێن گرنگ و نوو يێن بنگەهێ لالش يێ ڕه‌وشه‌نبیری و كۆمەڵایەتی ل دهۆكێ بۆ خزمەتكرنا ژنێن ئێزدی.
