سه‌ما
بابێ شێخێ ئێزديان پابه‌ندى يا خۆ دوپاتكر ژبۆ بهێزكرن و پێشڤه‌برنا په‌يوه‌نديێن جڤاكى ييێن ئێزديان ، خواست ژى ئێزدى پتر ئێكگرتى بن.
شێخ عه‌لى شێح الياس، بابێ شێخێ ئێزديان سه‌ره‌دانا هه‌ژماره‌كا خێزانێن ئێزدى و هنده‌ك نه‌خۆشان ل قه‌زا شێخان كر و هيڤيا ساخى و سلامه‌تيێ بۆ وان خواست.
هه‌روه‌سا بابێ شێخ گۆت: ته‌كه‌زيێ ل بهێزكرن و پێشڤه‌برنا په‌يوه‌نديێن جڤاكا ئێزديان دكه‌ين، دخوازين ئێزدى ئالۆزيان بده‌نه ئاليه‌كى و هه‌موو ژ پێخه‌مه‌تى به‌رژه‌وه‌نديا ئێزدياتيێ كار بكه‌ن.
بابێ شێخ، كاروبارێن ئايينى يێن ئێزديان ب ڕێڤه‌دبه‌ت و ل هه‌موو ڕێوره‌سمێن ئۆلى دگه‌ل جۆقه‌تا خۆ ل په‌رستگه‌ها پيرۆزا لالش به‌رهه‌ڤ دبن، به‌رده‌وام بزاڤێن چاره‌كرنا كێشه و لێك نێزيكبوونا ته‌خ و چينێن جڤاكێ ئێزدى دكه‌ت.
