ناڤه‌ندا نووچه‌يان – سه‌ما
ل كۆمه‌لگه‌ها شاريا ده‌ست ب دروستكرنا هه‌ژماره‌كا باخچه‌يێن گشتى هاتيه كرن و رێژا كه‌سكاتيێ ل ده‌ڤه‌رێ دێ ئێته زێده‌كرن.
ئێك شه‌مبوويێ، 20ی نیسانا 2025، ئيسماعيل سلێمان، سه‌رۆكێ باژێرڤانيا شاريا بۆ سه‌ما راگه‌هاند: ل سه‌ر بوودجه‌يا حكومه‌تا هه‌رێما كوردستانێ، ل سنوورێ كۆمه‌لگه‌هێ سێ باخچه‌يێن گشتى يێن به‌رفره‌هـ هاتينه دروستكرن، نوكه ژى ده‌ست ب باخچه‌يه‌كى دى هاتيه كرن و دقۆناغا كاركرنێ دايه.
سه‌رۆكێ باژێرڤانيا شاريا دبێژت: ب دروستكرنا ڤان باخچه‌يان سيمايه‌كێ جوان دێ ده‌ته ده‌ڤه‌رێ و رێژا كه‌سكاتيێ دێ ئێته زێده‌كرن و خه‌ڵك دێ مفايى ژێ بينن بۆ بێهنڤه‌دانێ.
بۆ زانين، كۆمه‌لگه‌ها شاريا ل نيسانا سالا 1987ب شێوه‌يه‌كى فه‌رمى بوويه كۆمه‌لگه‌هـ و سه‌رب ناحيا فه‌يديێ ڤه‌يه ل سنوورێ قه‌زا سێمێلێ و هه‌موو ئاكنجيێن وێ ئێزدينه.