ناڤه‌ندا نووچه‌یان – سه‌ما
برياره سبه‌ى ڕۆژا پێنج شه‌مبوويێ 20-2-2025ێ، گه‌ره‌كا دى يا روفاتێن قوربانيێن ئێزدى ل به‌غدايێ بگه‌هنه پارێزگه‌ها مووسل و درێوره‌سمه‌كێ دا دێ پێشوازى لێ ئێته كرن و ئێنه ڤه‌گوهاستن بۆ شنگالێ.
نايف جاسۆ، موختارێ گوندێ كۆچۆ ل شنگالێ، ئيرۆ 19ى شوباتا 2025ێ، بۆ سه‌ما راگه‌هاند: سبه‌ى پێنج شه‌مبوويێ 32 روفاتێن قوربانيێن ئێزدى يێن ناسنامه‌يا وان هاتينه ئاشكراكرن دێ ژ به‌غدا بۆ نۆژداريا داد ل مووسلێ ئێنه ڕه‌وانه‌كرن و ل ڕۆژا ئينيێ دێ ئه‌وان روفاتان ژ نۆژداريا داد وه‌رگرين.
موختارێ گوندێ كۆچۆ ئاشكراكر: “روفاتێن قوربانيان دێ بينه مونومێنتا جينۆسايدا ئێزديان ل شنگالێ و ل ڕۆژا شه‌مبوويێ 22 روفات بۆ گۆڕستانا كۆچۆ و 10 روفاتێن دى بۆ ده‌ڤه‌رێن شنگالێ دێ ئێنه ڤه‌گوهاستن و درێوره‌سمه‌كا ئۆلى دا و ب ئاماده‌بوونا كه‌سوكارێن قوربانيان و كه‌سايه‌تيێن ئێزديان دێ ئێنه ڤه‌شارتن”.
ل ڕێكه‌فتى 13-2-2025، ناسنامه‌یا 32 قوربانيێن جینۆسایدا ئێزدیان ژلايێ نۆژداريا داد ل به‌غدايێ هاتنه ئاشكراكرن.