ناڤه‌ندا نووچه‌يان – سه‌ما
ئەنجومەنێ نشتیمانی یێ کوردی ل سووریێ راگەهاند، د بن رۆناهیا رودانێن نها یێن سووریێ و نەبوونا رۆلێ ئیئتیلافا نیشتمانی یا ئۆپۆزیسیۆنا وەلاتی د ڤێ قۆناغێ دا، ئەنەکەسە بریارا ڤەکێشانا خۆ ژ ئیئتیلافێ دا.
دوهى ڕۆژا ئینيێ 7 شوباتا 2025ێ، ئەنجومەنێ نشتیمانی یێ کوردی ل سووریێ (ئەنەکەسە)، دەربارەی ڤەکێشانا خۆ ژ ئیئتیلافا نیشتمانی یا ئۆپۆزیسیۆنا سووریێ، د روونکرنەکێ دا ئاماژە ب وێ چەندێ دا کو د بن رۆناهیا رویدانێن نها و پشتی ژناڤچوونا رژێما دیکتاتۆر یا ئەسەدى و نەبوونا رۆلێ ئیتیلافا نیشتمانی، ئەنەکەسە بریارا ڤەکێشانا خۆ ژ ئیئتیلافێ دا.
هەروەسا هاتیيە، د ڤێ رەوشا نها دا ئەم جەختێ ل سەر پێتڤیا پێشخستنا کارێ سیاسی ب گۆڕ دیتنەکا نوو دکەین کو هەڤتەریب بیت دگەل وان گۆهۆڕینان یێن کو رووددەن، ب هەماهەنگی و کارکرن دگەل هەموو هێزێن نیشتمانی دەربارەی داهاتیا سووریێ و پاراستنا مافێن دەستووری یێن گەلێ کورد و هەموو پێکهاتێن وەلاتی.
د رونکرنێ دا هاتیيە، ئەنجومەنێ نشتیمانی یێ کوردی ل سووریێ، پابەندبوونا خۆ ب کارێ هەڤبەش ل سەر ئاستێ نەتەوەیی یێ کورد و سووریا نوو دکەت، ژ بۆ گەهشتن ب خواستێن گەلێ سووریێ بۆ ئازادی، دادپەروەری، دیموکراسی و وەکهەڤی.